Xikonixtali tein uelis tikonchiuas keman tikelnamikiskej imikilis Cristo

Tiitekitikauan Jehová, tikitaj ke semi moneki tonal keman moelnamiki imikilis Cristo. Seki semanas achto uan seki semanas satepan, tikchiuaj miak taman tein ika tikueyichiuaj Jehová uan ijkon tiknextiaj ke tiktasojkamatiliaj maj Jesús toka momikiliani (Ef 1:3, 7). Timochikauaj tikinyoleuaskej oksekin maj no yakan. Seki tokniuan kiixtaliaj mochiuaskej precursores auxiliares uan tanojnotsaskej 30 oso 50 horas itech metsti marzo oso abril. ¿Tikonuelitaskia okachi tiontanojnotsas itech tonalmej keman tikelnamikiskej imikilis Cristo? ¿Toni uelis tikonchiuas?

Keman achtook tikixtaliaj keniuj tikchiuaskej teisa, okachi kuali kisa (Pr 21:5). Kemej amo uejkaua tikelnamikiskej imikilis Cristo, moneki axkanya tikixtaliskej toni tikchiuaskej. Xikonnemili toni tikonuelitaskia tikonchiuas itech nejon tonalmej uan keniuj tikonchiuas. Ompa, xikontajtani Jehová maj mitsonpaleui ika tein tikonixtalij tikonchiuas (1Jn 5:14, 15).

¿Keniuj okachi tiontanojnotsas keman moelnamikis imikilis Cristo?