TONEMILIS KEMEJ ITATOJTOKAKAUAN CRISTO
Tayekananij semi tekitij para maj itekitikauan Jehová kuali yetokan
Miakej amo kuali kinitaj akin taixyekanaj. ¡Uan tikinajsikamatij! Miakej amo kuali taixyekanaj porin kinekij sayoj yejuan mopaleuiskej, ijkon kinextia tein panouani desde ne uejkauj (Miq 7:3). ¡Semi taman tein panoua itech inechikol Dios! Jehová kinmachtiani tayekananij maj kinixyekanakan tokniuan para maj kuali yetokan (Est 10:3; Mt 20:25, 26).
Tayekananij amo kichiuaj kemej akin taixyekanaj nikan taltikpak, ta kuali taixyekanaj porin kitasojtaj Jehová uan tokniuan (Jn 21:16; 1Pe 5:1-3). Tokniuan tayekananij mokauaj maj Jesús kinixyekana uan kinpaleuiaj nochin tokniuan maj yolpakikan pouiskej iniuan ichankauan Jehová uan maj iuan motokikan. Kimatij kemanian moneki kinyolchikauaskej iichkauan Jehová. Uan keman mochiua se tetsauit oso tokniuan ijsiujka kokolispeuaj niman kinpaleuiaj. Komo moneki maj mitsonpaleuikan, niman xiontajto iuan se tokniuj tayekankej itech monechikol (Snt 5:14).
SATEPAN KE MOITAS VIDEO TAYEKANANIJ KINYEKPIAJ IICHKAUAN DIOS, XIKONNANKILI NEJIN NETAJTANILMEJ:
¿Keniuj kipaleuij Mariana tein kichiujkej tokniuan tayekananij?
¿Keniuj kipaleuij Elías tein kichiujkej tokniuan tayekananij?
Satepan ke tikonitak nejin video, ¿keniuj tikonita nochi tekit tein kichiuaj tayekananij?