TONEMILIS KEMEJ ITATOJTOKAKAUAN CRISTO

Xikonpaleui akin amo kipiaj se taneltokalis maj kiixmatikan akin techchijchiuak

¿Kemansa amo tikonneki tikonnojnotsas aksa porin amo kipia se taneltokalis uan tikonnemilia ke amo mitsonkakis? Komo ijkon mitsonpanoua, xikonelnamiki ke miakej akin axkan itaixpantijkauan Jehová, achto amo kipiayaj se taneltokalis oso hasta amo kineltokayaj ke nemi Dios. Uan sekin sayoj monekia maj tepitsin kinpaleuikan maj kiitakan seki taman tein kinextia ke Dios nemi (Ro 1:20; 10:14).

SATEPAN KE MOITAS VIDEO XIKONELNAMIKI: AKIN AMO TAKUAUJTAMATIJ, UELIS TAKUAUJTAMATISKEJ. AKIN AMO KIPIAJ SE TANELTOKALIS, XIKONNANKILI NEJIN NETAJTANIL:

¿Keniuj tein kipanok Tommaso mitsonyolchikaua xikonnojnotsa akin amo kipiaj se taneltokalis oso akin amo kineltokaj Dios?

Tein tikonijkuilos

Tein uelis tikonchiuas

Komo aksa mitsoniluia ke amo kineltoka Dios xionkualtakat iuan, kuali xikonnojnotsa uan kuali xikonkaki tein kinemilia uan tein kimachilia (2Ti 2:24). Ika xikonnojnotsa tein kinekis kikakis. Miakej kinpaleuij seki taman tein kinextia ke aksa tachijchiuak, uan akin tikonnojnotstok, ¿no kineki kimatis nejon? Uelis tikonkuis amaixmej uan videos tein ika tajtouaj nejon. Folletos ¿Es la vida obra de un Creador? uan El origen de la vida. Cinco cuestiones dignas de análisis, axkan moajsij itech nepaleuilmej tein ika titamachtiaj para maj ijsiujka tikajsikan.

Xa tionmouis tikontapouis tein Biblia tamachtia aksa akin amo kineltoka Dios. Komo ijkon mitsonpanoua, xikonilui aksa akin kuali tanojnotsa maj mitsonpaleui. Uan amo xikonelkaua ke Jehová mitsonpaleuis xikonajsi uan xikonpaleui akin kipiaj se kuali tanemilil, hasta akin kinemiliaj ke yejuatsin amo nemi (Hch 13:48).