TONEMILIS KEMEJ ITATOJTOKAKAUAN CRISTO
Tetatmej, namokoneuan no uelis mochiuaskej tamatinij
Tetatmej, namokoneuan uelis mochiuaskej tamatinij kemej Dios kiyolpaktia komo nankinpaleuiaj maj kiitakan keniuj uelis kinpaleuis nechikolmej. Tein kiitaj, tein kikakij uan keman tanankiliaj uelis kinpaleuis maj okachi kiixmatikan Jehová uan maj kuali iuan mouikakan (Dt 31:12, 13). Sayoj ke, ¿toni uelis tikonchiuas para maj mokoneuan kinpaleui nechikolmej?
Xionmochikaua nochipa tionyas nechikolmej itech Kali kampa tiMosentiliaj (Sl 22:22).
Xikonita maj mokoneuan tajtokan iniuan tokniuan itech Kali kampa tiMosentiliaj achto oso satepan ke tamis nechikol (Heb 10:25).
Xikonita maj nochin mokalyetonij kipiakan itech amat oso itech tepos amaix tein timomachtiskej itech nechikol.
Xikonpaleui mokoneuan maj momachtikan keniuj tanankiliskej (Mt 21:15, 16).
Nochipa kuali ika xiontajto nechikolmej uan tein ompa timomachtiaj.
Xikonpaleui mokoneuan maj no tapaleuikan keman tachipauaj itech Kali kampa tiMosentiliaj uan maj iniuan tajtokan tokniuan akin xiuejkejya.
Xa kemansa tikonmachilis ke semi tionsioui uan amo tionueliok tikonpaleuia mokoneuan maj motokikan iuan Jehová. Sayoj ke xikonmati ke Jehová mitsonpaleuis (Is 40:29).
SATEPAN KE MOITAS VIDEO TETATMEJ, XITAKUAUJTAMATIKAN KE JEHOVÁ NAMECHPALEUIS, XIKONNANKILI NEJIN NETAJTANILMEJ:
¿Toni kinpanotoya Miguel uan Lidia porin tel sioujtoyajya?
¿Keyej tetatmej moneki kitajtaniskej Jehová maj kinpaleui maj amo mosenkauakan?
¿Toni kichiujkej Miguel uan Lidia para kitemoskej maj Jehová kinpaleui?