Maj oksepa tikitakan tein okachi tayekantok

¿Niman tikonelkaua tein tionmomachtia? Kemansa tinochin ijkon techpanoua. Sayoj ke komo oksepa tikitaj tein okachi tayekantok uelis techpaleuis maj tikelnamikikan tein timomachtijkej.

Keman tionmomachtijtos xionmotsakuili tepitsin para itech tiontanemilis tein tikonixtajtoltijtok. Yejua nejon tein tatitanil Pablo kinyolmajxitij tokniuan akin momachtijtoyaj amatajkuilol tein kinijkuilouilijka, yejua kiniluij: “Tanemilil tein tayekantok tein ika titajtojtokej yejua nejin” (Heb. 8:1). Ijkon kinpaleuij maj kiajsikamatinij toni kinekia kiniluis uan keniuj nochi tein kiniluijtoya sayoj ika tajtojtoya se taman.

Nochipa keman tionmomachtis, xikonxelo tepitsin tiempo xa kemej se 10 minutos para itech tiontanemilis tein okachi tayekantok. Komo amo semi tikonelnamiki, oksepa xikonixtajtolti subtítulos oso kampa peua sejse párrafo. Keman tionmomachtis teisa tein amo tikonmatia, xionmochikaua tikonmelauas tein tikonajsikamatik. Keman oksepa tikonitas tein okachi tayekantok, amo sayoj mitsonpaleuis oksepa xikonelnamiki, ta no uelis tikonitas keniuj tikonchiuas tein tionmomachtij.