¿Tikonelnamiki?
¿Tikonixtajtoltiani amaixmej Tanejmachtijkej tein kiskej yankuixtok? Xikonita ox ueli tikonnankilia nejin netajtanilmej:
¿Keniuj Jehová kinita siuamej?
Amo kinchikotasojta uan amo okachi kintasojta takamej ke siuamej. Kinkaki, kimati keniuj momachiliaj uan tein kinpanoua, uan takuaujtamati ke kichiuaskej tekit tein kinmakani (w24.01, páginas 15 uan 16).
Efesios 5:7 kijtoua: “Amo xikchiuakan tein yejuan kichiuaj”, ¿keniuj tejuan uelis tiktakamatiskej nejin?
Tatitanil Pablo technejmachtij maj amo iniuan timouikakan akin amo techpaleuiaj maj tiktakamatikan Jehová. Uan nejin no moneki tiktakamatiskej hasta keman tikuij redes sociales uan amo sayoj keman tietokej iniuan oksekin (w24.03, páginas 22 uan 23).
¿Toni tein amo melauak moneki tikixtopeuaskej?
Moneki timoyekpiaskej keman totasojikniuan techtitaniliskej teisa tein amo moyekmati ox melauak, keman aksa akin amo tikixmatij techtitanilis se correo uan tein kijtouaj apóstatas akin kinextiaj ke kinekij momachtiskej Biblia (w24.04, página 12).
¿Toni tikmatij uan toni amo tikmatij tein Jehová kiixtalis maj kiseli tekiuaj Salomón, akin momikilijkej Sodoma uan Gomorra uan itech tetsaujkakiouit?
Amo tikyekmatij ox Jehová senkis kinixpolojya, sayoj ke kemaj tikmatij ke yejuatsin kiixmati nochi uan teiknelia (w24.05, páginas 3 uan 4).
¿Toni techmachtia maj Jehová kemej yeskia se ueyi tet? (Deut. 32:4).
Uelis tiktemoskej maj Jehová techpaleui. Yejuatsin takuaujtamach porin nochipa kichiua tein motenkaua. Uan amo mopata porin amo keman kipata kemej tamati nion tein kiixtalia kichiuas (w24.06, páginas 26 hasta 28).
¿Toni techpaleuis maj timomatikan itech okse nechikol?
Maj titakuaujtamatikan ke Jehová techpaleuis ijkon kemej kinpaleuij itekitikauan ne uejkauj, maj amo tikitakan tein kichiuayaj tokniuan itech okse nechikol uan tein kichiuaj kampa timopatakej, maj titapaleuikan itech tekimej tein mochiua itech nechikol uan maj tiktemokan tikinpiaskej oksekin totasojikniuan (w24.07, páginas 26 hasta 28).
¿Toni techmachtia eyi taman tein Jesús kitetapouij itech Mateo capítulo 25?
Keman ika tajtoj ichkamej uan chivos techmachtia ke amo keman moneki tikauaskej Jehová, keman ika tajtoj majtakti ichpochmej techmachtia ke moneki maj kemej yeskia titachixtokan uan maj tiktekitilijtokan Jehová, uan keman ininka tajtoj takeualmej akin kinkauilijkej bolsa tomin techmachtia ke moneki maj kuali titekititokan (w24.09, páginas 20 hasta 24).
¿Kanachi ika uejkapan katka kampa se kalakteuaya itech itemplo Salomón?
Itech seki biblias tein moijkuilojkej ne uejkauj, 2 Crónicas 3:4 kijtoua ke de uejkapan kipiaya “120 molikmej”, nejon kijtosnekia ke katka uejkapan 53 metros. Sayoj ke okseki biblias tein takuaujtamachmej kijtouaj “20 molikmej”, tein kijtosneki ke katka chiknaui metros de uejkapan. Uan nejin xa yekmelauj katka porin tepamit kemaj kixikoskia (w24.10, página 31).
¿Toni kijtosneki maj tokniuan tapaleuianij kipiakan “sayoj se ininsiuatsin”? (1 Tim. 3:12).
Tokniuj tapaleuijkej akin monamiktijya sayoj moneki kipias se isiuatsin uan amo keman moneki auilnemis. Uan amo no moneki kinixuelitas okseki siuamej (w24.11, página 19).
¿Keniuj tikmatij ke tein kijtoua Juan 6:53 amo yejua tein moneki tikchiuaskej itech iTakualis toTekotsin?
Itech Juan 6:53, Jesús kijtoj ke moneki se kikuas inakayo uan se tayis iesyo. Nejin kijtoj itech xiuit 32 ompa Galilea kampa yetoyaj miakej judíos akin ayamo iuan takuaujtamatiaj. Sayoj ke keman Jesús kiixtalij iTakualis se xiuit satepan, kinnojnotsak akin iuan tekiuajtiskiaj ompa iluikak (w24.12, páginas 10 uan 11).