Xikonchiua seki taman achto ke tionmomachtis

Keman timomachtiaj Biblia okachi tikixmatij Jehová uan no techpaleuia maj tikpatakan tein tiknemiliaj, tein tikmachiliaj uan tein tiknejnekij. Semi techpaleuis komo tikchiuaj kemej Esdras, akin “kiixtalijkaya momachtis iTanauatil Jehová” (Esd. 7:10). ¿Keniuj uelis no ijkon tikonchiuas?

Xionmotataujti. Achto ke peuas tionmomachtis, xikonilui Jehová maj mitsonpaleui xikonajsikamati tein tionmomachtiti uan ueli xikonchiua tein tionmomachtia (Sal. 119:​18, 34).

Xionyolyemanik. Dios amo kinkaua maj kiajsikamatikan tein Biblia tamachtia akin moueyimatij uan kinemiliaj ke tamatinij (Luc. 10:21). Tejuan amo tiknekij timomachtiskej sayoj para tiknextiskej ke tiktelmatij. Komo timomachtiaj uan tikitaj ke moneki tikpataskej teisa, maj tiyolyemankej uan maj tikchiuakan.

Xikonkaki semej tonekuikatiluan. Nekuikatil uelis techpaleuis maj kuali titanemilikan. Yejua ika, komo tikakij se nekuikatil achto ke timomachtiskej, uelis techpaleuis maj sayoj itech titanemilikan Jehová uan maj tikchiuakan tein timomachtiskej.