Xikintapoui oksekin tein timomachtiani

Tein timomachtiaj itech Biblia semi techyolchikaua. Sayoj ke okachi techyolchikaua keman tikintapouiaj oksekin keniuj tein timomachtiaj techpaleuia maj okachi kuali timouikakan iuan Jehová. Proverbios 11:25 kijtoua: “Akin kinyolseuia oksekin no kiyolseuiskej”.

Komo tikintapouiaj oksekin tein timomachtiaj, okachi kuali tikajsikamatiskej uan niman tikelnamikiskej. Uan no, tiyolpakiskej porin tikmatij ke no uelis kinyolchikauas oksekin (Hech. 20:35).

Uelis tikchiuas nejin: Okse semana tein uitse xiktapoui aksa tein timomachtiani, xa se mochankauj, se tokniuj itech nechikol, se akin iuan titekiti oso timomachtia, se movecino oso akin tikajsi kampa titanojnotsa. Xiknojnotsa kemej uelis mitsajsikamatis uan amo xiklerojtiuj tein tikiluis.

Xikelnamiki: Amo tikintapouiaj oksekin tein timomachtiaj porin tiknekij timoueyitaliskej, ta porin tiknekij tikinyolchikauaskej (1 Cor. 8:1).