¡MAJ TITACHIXTOKAN!
Tein kichiua taneltokalis itech neteuilis ompa Ucrania | ¿Toni kijtoua Biblia?
Xikonita tein yankuixtok motematiltiani ke kijtouanij uejueyi taixyekananij itech taneltokalismej ika neteuilis tein mochiujtok ompa Ucrania:
“Patriarca Kirill, akin taixyekana itech Iglesia ortodoxa rusa, amo teyi kijtouani ke amo kuali yetok maj Rusia tateui [...]. Nejon taneltokalis kimoyauani takajkayaualis ika Ucrania uan Putin ika motenpaleuiani nejon para kipeualtis neteuilis” (EUobserver, 7 de marzo de 2022).
“Patriarca Kirill [...] kiyekijtouani ke kinamiki maj Rusia kiixnamiki Ucrania porin kijtouani ke nejon neteuilis tapaleuia maj moixnamiki tajtakol” (AP News, 8 de marzo de 2022).
“Metropolitano Epifanio I de Kiev, akin taixyekana itech Iglesia ortodoxa ucraniana, kitiochiuak xolal nejin lunes uan kinyolchikauak maj kinteuitij taixnamikinij akin kayomej Rusia. No kijtoj ke amo se tajtakol komo kinmiktiaj soldados akin kayomej Rusia” (The Jerusalem Post, 16 de marzo de 2022).
“Tikinpaleuiaj soldados akin pouij Ucrania uan nochin akin techpaleuiaj. Tikintiochiuaj akin tapaleuiaj maj amo kiteuikanok Ucrania uan ininka timotataujtiaj” (Declaración del Consejo de Iglesias y Organizaciones Religiosas de Ucrania,a 24 de febrero de 2022).
¿Keniuj tikonita? ¿Tikonnemilia ke kuali yetok maj taneltokalismej kampa kijtouaj ke kitojtokaj Cristo kinyolchikaua akin ompa pouij maj yakan itech neteuilis? ¿Toni kijtoua Biblia?
Tein kichiuanij taneltokalismej keman onkak neteuilis
Miakpa moitani ke taneltokalismej kijtouanij ke kinamiki maj yakan itech neteuilis, ke kuali yetok uan hasta kijtouanij ke moneki yaskej itech neteuilis komo ika nejon motemoua maj motsakuili neteuilis. Itaixpantijkauan Jiova miak xiujmejya kinextianij inintaixkajkayaualis nejon taneltokalismej. Xikonita tein moijtouani itech seki toamatajkuiloluan:
Tamachtilis “Las cruzadas: ‘trágica ilusión’” kimelaua ke Iglesia católica romana yejua itajtakol maj miakej kinolochmiktianij itokaykopa Dios uan Cristo.
Tamachtilis “La Iglesia Católica y África” kinextia ke taneltokalis amo kitsakuilij keman moteuijkej seki uejueyi kalyetouanij uan miakej kinolochmiktijkej.
Tamachtilismej “¿Tiene la culpa la religión?”, “El papel de la religión en las guerras” uan “La religión toma partido” kimelauaj ke sekin akin taixyekananij itech taneltokalis católico, ortodoxo uan protestante kinpaleuianij akin inintechkopa yetokej itech neteuilis.
¿Monekiskia taneltokalismej kampa kijtouaj ke kitojtokaj Cristo tapaleuiskej itech neteuilis?
Tein Jesús tamachtij: “Xiktasojta moknitsin ijkon keme tejuatsin timotasojta” (Mateo 22:39). “Xiktasojtakan naken namechtauelitaske” (Mateo 5:44-47).
Xikonnemili: Komo se taneltokalis tamachtia ke moneki se tetasojtas kemej Jesús tanauatij, ¿kuali yetoskia maj kinyolchikaua akin ompa pouij maj yakan itech neteuilis? Tikonajsis tanankilil komo tikonleroua tamachtilismej “Los cristianos verdaderos y la guerra” uan “¿Es posible amar a un enemigo?”.
Tein Jesús tamachtij: “NoTekiuajyo amo poui nikan taltikpak. Komo noTekiuajyo pouiskia nikan taltikpak, notapaleuijkauan tateuiskiaj para maj amo nechtemaktianij” (Juan 18:36, Traducción del Nuevo Mundo). “Nochi naken moteuis ika machete, yejua ne no ika machete mikis” (Mateo 26:47-52).
Xikonnemili: Komo itatojtokakauan Cristo amo monekia tateuiskej nion para kipaleuiskej Jesús, ¿monekiskia tateuiskej porin kichiuasnekij okse taman? Para tikonitas keniuj yekinika itatojtokakauan Jesús senkis kichiujkej kemej yejua uan tein tamachtij, xikonlero tamachtilis “El cristianismo y la guerra: ¿son compatibles?”.
¿Toni kinpanos taneltokalismej tein kipaleuiaj neteuilis?
Biblia tamachtia ke Dios kinixtopeua taneltokalismej tein kijtouaj ke kitakamatij tein Jesús tamachtij sayoj ke ika tein kichiuaj kinextiaj ke amo melauj (Mateo 7:21-23; Tito 1:16).
Amatajkuilol Apocalipsis kinextia ke Dios kintajtakoltia taneltokalismej “nochin akin kinmiktijkej nikan taltikpak” (Apocalipsis 18:21, 24, Traducción del Nuevo Mundo). Komo tikonneki tikonmatis keyej, xikonita tamachtilis “¿Qué es Babilonia la Grande?”.
Jesús kijtoj ke Dios kinixpoloti nochi taneltokalismej tein Dios kinixtopeua porin kichiuaj tein amo kuali, ijkon kemej “se kouit tein amo kitemaka kuali takilot, kitamotaj uan kitatiaj” (Mateo 7:15-20, Traducción del Nuevo Mundo). Komo tikonneki tikonmatis keniuj mochiuas nejin, xikonlero tamachtilis “¡Itamilis taneltokalis tein amo melauak amo uejka yetok!”.
Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images
a Itech nejin nechikol pouij 15 Iglesias, kemej Iglesia ortodoxa, Iglesia católica romana, Iglesia católica griega, tein moixmatij kemej protestantes uan evangélicas, uan no judíos uan musulmanes.