Se xiuitya peuak neteuilis ompa Ucrania | ¿Kijtoua Biblia ke se tonal motayektalis?

Viernes 24 de febrero xiuit 2023 kichiua se xiuit keman peuak neteuilis ompa Ucrania. Motematiltiani ke kemej 300,000 soldados ucranianos uan rusos momikilianij oso kinkokouanij, uan moixejekoua ke momikilianij kemej 30,000 akin nemiaj itech xolalmej kampa mochiujtok neteuilis. Oso xa okachi miakej momikilianij.

Tetayokoltij nejon porin amo moita ke niman tamis.

“Ajsitokya se xiuit keman soldados rusos peuak kinteuiaj akin nemij Ucriania uan amo moita ke niman tamis. Amo no nesi maj semej altepemej tatani oso maj moyektenkauakan ke amo moteuiskejok” (NPR [radio pública nacional de Estados Unidos], 19 de febrero de 2023).

Yejua ika miakej semi kinyolkokoua kiitaskej keniuj noyampa semi miakej tajyouiaj akin amo kipiaj tajtakol maj onka nejin uan okseki neteuilis. ¿Toni kijtoua Biblia? ¿Kinextia ke se tonal amo akinok kipeualtis neteuilis?

Se neteuilis tein kitamis nochi taman neteuilis

Biblia ika tajtoua se neteuilis tein amo taixpolos, ta kinmakixtis akin nemij nikan taltikpak. Biblia kitokaytia Armagedón, tein kijtosneki, neteuilis “itech iueyi tonal Dios, akin kipia nochi chikaualis” (Apocalipsis 16:14, 16). Itech nejon neteuilis, Dios kinixpolos nochin tekiuanij akin taixyekanaj nikan taltikpak akin inintajtakol maj taixpoliui keman kichiuaj maj onka neteuilis. Para tikonmatis keniuj Armagedón kichiuas maj nochin kuali yetokan, xikonlero nejin tataman tamachtilis: