Tasojti takual porin onkak neteuilis uan motelmachilia totonik | ¿Toni kijtoua Biblia?

Kemej mochiujtok neteuilis ompa Ucrania uan semi momachilia totonik, axkan miakkan tasojti takual. Okachiok itech altepemej kampa ipa semi tasojti takual.

“Kaxani takual porin mochiujtok neteuilis, semi momachilia totonik uan tapatiyoua” (António Guterres, secretario general de las Naciones Unidas, 17 de julio de 2023).
“Rusia amo kinnamakiltisok takual okseki altepemej kemej motenkaujka iniuan okseki altepemej. Taixmatinij kinemiliaj ke nejin kichiuas maj okachi tasojti takual uan okachiok patiyouas itech altepemej kampa semi tatasojti, okachiok norte de África uan Oriente Medio” (Atalayar.com, 23 de julio de 2023).

Xikonita keniuj kijtojka Biblia ke tasojtiskia takual uan toni uelis tikchiaskej maj mochiua satepan.

Biblia kijtojka ke tasojtiskia takual

Jesús kijtojka: “Akin nemij itech seki xolalmej moteuiskej iniuan akin nemij itech okseki xolalmej uan akin nemij itech se altepet iniuan akin nemij itech okse altepet, uan miakkan onkas mayan” (Mateo 24:7).
Biblia itech amatajkuilol Apocalipsis ika motajtoua nauin akin youij ipanko sejse caballo. Semej kiixnextia neteuilis. Okse tein kisentoka kiixnextia mayan tein mochiuaskia keman tasojtiskia takual uan semi patiyoj yeskia. “Nikitak ke ualkisak okse caballo ten tiltik. Uan ne naken ipan mopantalijtoyaj, [...] maaktoya se balanza tenika se tatamachiua. Uan no nikayik se tajtolis [...] ten kijtoaya ijkuin: ‘Se kilo de trigo valeros se tonaltaxtauil. Uan eyi kilo de cebada valeros se tonaltaxtauil’” (Apocalipsis 6:5, 6, In cuali Tajtoltsin de Dios).

Nejon tein Biblia kijtojka ke tasojtiskia takual, mochiujtok axkan tonalmej tein Biblia kitokaytia kemej “tonalmej keman tatamitiya” (2 Timoteo 3:1). Para tikonmatis okachi de nejin “tonalmej keman tatamitiya” uan tein kiixnextia nauin akin youij ipanko sejse caballo kemej momelaua itech Apocalipsis, xikonita video Itech 1914 nochi mopatak itech taltikpak uan xikonlero tamachtilis “¿Toni kiixnextiaj nauin akin youij ipanko caballos?”.

Keniuj uelis mitsonpaleuis Biblia

Tein Biblia tayolmajxitia uelis mitsonpaleuis xikonmati keniuj tionixpanos keman tasojtis takual oso semi patiyoj yeski oso mochiua oksekiok ouijkayomej. Yejua nejon kimelaua nejin tamachtilis “Cómo vivir con menos”.
Biblia no techyolchikaua porin kijtoua ke amo uejkaua motayektalis. Kijtoua ke ajsis tonal keman “semi motachiuas” nikan taltikpak uan nochin kuali kinajsis tein kimajseuaskej (Salmo 72:16). Para tikonmatis nejin tein kualtsin tein mochiuati uan keyej uelis tikneltokaskej ke mochiuas, xikonlero tamachtilis “La esperanza real de un mañana mejor”.