¿Keyej amo ueli kichiuaj maj amo moteuikanok? | ¿Toni kijtoua Biblia?

Taixyekananij itech taltikpak uan oksekin akin sentekitij amo ueli kichiuaj maj amo moteuikanok akin nemij nikan taltikpak. Axkan tonalmej okachi moteuiaj kemej amo keman panotoya desde Ojpatika Neteuilis tein Mochiuak itech Nochi Taltikpak. Kemej dos mil millones nemij kampa onkak neteuilis.

¿Keyej akin nemij nikan taltikpak amo ueli kichiuaj maj amo moteuikanok? ¿Toni kijtoua Biblia?

Eyi taman keyej akin nemij nikan taltikpak amo ueli kichiuaj maj amo moteuikanok

1. 1. Biblia kijtojka ke axkan tonalmej “miakej sayoj yejuan motasojtaskej; semi kitemoskej motomintiskej, moueyichiuaskej ininselti, moueyimatiskej, [...] tekauaskej, [...] amo kinekiskej moyektenkauaskej iniuan oksekin, [...] amo motsakuiliskej, kichiuaskej tein tel fiero, [...] amo takakiskej, senkis moueyimatiskej”. Yejua ika nion kitemouaj kimelauaskej kuejmolmej para amo moteuiskejok (2 Timoteo 3:2-4).

2. 2. Akin nemij nikan taltikpak, sejsemej oso senolochmej, amo uelij kimelauaj kuejmolmej komo amo kitemouaj maj kinpaleui Jehová,a Dios akin techchijchiuak. Biblia kijtoua ke amo “kinamiki takat akin nejnentok kiyekanas itaksalis” (Jeremías 10:23).

3. 3. Nikan taltikpak taixyekantok Amokuali Satanás, akin semi chikauak uan amo yolkuali, akin “kinkajkayaujtok nochin akin nemij nikan taltikpak” (Apocalipsis 12:9). Axkan tonalmej “nochi in taltikpak moajsi imako in Amokuali”, yejua ika moteuiaj de se altepet iuan okse altepet (1 Juan 5:19).

¿Akoni kemaj kichiuas maj amo moteuikanok?

Biblia kijtoua ke yejua Dios akin kichiuas maj amo moteuikanok, uan amo aksa de nikan taltikpak.

• “Jehová kijtoua: ‘Kuali nikmattok tein nikneki xikpiakan. Nikneki xiyolseujtokan uan maj amo namechpano nion teyi tein amo kuali. Nikneki xikchiakan tein kuali satepan” (Jeremías 29:11).

¿Keniuj Dios kichiuas nejon tein kijtoua? “Dios akin teyolseuia kixamanis Satanás” (Romanos 16:20). ToTajtsin ika “iTaixyekanalis Dios”, kichiuas maj amo moteuikanok nikan taltikpak (Lucas 4:43). Jesucristo yejua Tekiuaj itech iTaixyekanalis Dios, uan yejua akin kichiuas maj nochin yolseujkanemikan nikan taltikpak (Isaías 9:6, 7).

• Para tikonmatis okachi, xikonlero tamachtilis “¿Qué cosas logrará el Reino de Dios?”.