¿Keniuj uelis tiyolpakiskej maski tikpanotoskej ouijkayomej? | ¿Toni kijtoua Biblia?

Axkan tonalmej semi ouij tein tikpanouaj, uan amo ueli tiktsakuiliaj maj amo tikpiakan ouijkayomej. Maski ijkon, kemaj uelis tikchiuaskej tein techpaleuis maj tiyolpakikan. Biblia kijtoua ke maski tikpiaskej kuejmolmej, “akin yolpaki, kemej yeskia kipia se tatakualis nochipaya” (Proverbios 15:15). ¿Toni uelis tikonchiuas para tionyolpakis? Xikonita keniuj Biblia uelis mitsonpaleuis.

Keniuj amo semi tionmotekipachojtos

Biblia kijtoua: “Se takat motayokoltia keman motekipachoua, sayoj ke keman kiluiaj tein kuali moyolchikaua” (Proverbios 12:25).

• Biblia uelis mitsonpaleuis amo semi xionmotekipachojto. Komo tikonneki tikonmatis keniuj, xikonlero tamachtilis “¿Qué dice la Biblia sobre la ansiedad?”.

Keniuj amo semi tionmomachilis moselti

Biblia kijtoua: “Akin yekmelauj totasojikniuj nochipa techtasojta, uan mochiua kemej se tokniuj keman titajyouiaj” (Proverbios 17:17).

• Biblia techiluia maj tikinpiakan akin iniuan kuali timouikaskej para amo semi timomachiliskej toselti. Xikonlero tamachtilis “Akin kuali mouika iniuan oksekin amo momachilia iselti: ¿Keniuj Biblia tapaleuia?”.

Xikontasojta Dios uan oksekin

Biblia kijtoua: “Xiktasojta moDios Jehová ika nochi moyolo, ika nochi monemilis uan ika nochi motanemilil. [...] Xiktasojta moknitsin kemej tejua timotasojta”a (Mateo 22:37-39).

• Komo tikontataujtia Dios, uelis mitsonpaleuis okachi xikontasojta toTajtsin. Komo tikonneki tikonmatis keniuj tapaleuia keman se motataujtia, xikonlero tamachtilis “¿Techkaki Dios keman tiktataujtiaj?”.

• Tiknextiaj ke tikintasojtaj oksekin komo tikchiuaj kemej Jesús tamachtij. Yejua kijtoj ke moneki tikinchiuiliskej oksekin tein tejuan tikuelitaskiaj maj techchiuilikan. Okachi momelaua nejon itech nejin tamachtilis “¿Qué es la Regla de Oro?”.

Komo tionmomachtia Biblia uelis mitsonpaleuis xionyolpaki itech nejin tonalmej keman semi ouij tipanouaj. Uelis timitsonmachtiskej ika Biblia.