Ika iTekiuajyo Dios, nochin “yolpakiskej porin kipiaskej ueyi yolseuilis” (Salmo 37:11).
¿Toni kijtoua Biblia?
¿Uelis techpaleuis Biblia maj amo senkis timotekipachokan?
¿Toni tikonijtoskia tejuatsin?
Kemaj
Amo
Xa
Tein kijtoua Biblia
“Xikpanoltilijtiyakan Dios nochi namoyolkuejmololisuan porin Yejuatsin semi namechyolnejneki de namechyekpixtinemis tech namonemilispan” (1 Pedro 5:7). Biblia senkis techiluia ke Dios uelis techpaleuis maj amo semi timotekipachokan.
¿Toni okachi kijtoua Biblia?
Keman tiktataujtiaj Dios, yejuatsin techmaka “ne yolseuilis”, tein techpaleuia maj amo semi timotekipachokan (Filipenses 4:6, 7).
Uan no, keman tikixtajtoltiaj iTajtol Dios techpaleuia maj amo semi timotekipachojtokan (Mateo 11: 28-30).
¿Ejkos se tonal keman amo teyiok techtekipachos?
Tein kineltokaj sekin. Moajsij akin kijtouaj ke amo uelis se kichiuas maj amo se motekipacho. Oksekin kinemiliaj ke amo timotekipachoskejok keman timomikiliskej. Tejuatsin, ¿toni tikonnemilia?
Tein kijtoua Biblia
Dios kitamis nochi tein kichiua maj timotekipachokan. “Amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok” (Apocalipsis [Revelación] 21:4).
¿Toni okachi kijtoua Biblia?
Keman iTekiuajyo Dios taixyekanas nikan taltikpak, tinemiskej ika yolseuilis (Isaías 32:18).
Nochi tein techteltekipachoua tamis (Isaías 65:17).