¿Amo tajtouajok itaixpantijkauan Jiova iniuan akin kikauaj nejin taneltokalis?

Tiksentokaj titajtouaj iniuan akin, satepan ke moauijkej kemej itaixpantijkauan Jiova, amo tanojnotsaj kajkalpan nion monechikouajok touan. Okachi kuali, tiktemouaj tikinpaleuiskej maj kuali mouikakan iuan Dios uan maj mokepakan.

Keman se itaixpantijkauj Jiova kichiua se ueyi tajtakol, uelis kikixtiskej itech nechikol. Sayoj ke amo nochipa ijkon. Komo kisentoka nochipa kitapanauilia tein kiixtalia iTajtol Dios uan amo moyolnonotsa, ijkuak kemaj kikixtiskej, uan akin pouij itech nechikol amo iuan moneloskejok. Biblia kiyekijtoua: “Xikalankixtikan ma amo yetok namouan ne tagat tajtakole” (1 Corintios 5:13).

¿Toni panoua komo se takat kikixtiaj, sayoj ke inamik uan ikoneuan kisentokaj kemej itaixpantijkauan Jiova? Maski amo sentaueyichiuajok, kisentokaj kemej kalyetouanij. Kemej mouika iuan inamik, uan iniuan ikoneuan, kisentoka kemej ipa.

Akin kinkixtijkej uelis touan mosentiliskej itech nechikol, uan komo kinekij, uelis kiseliskej nepaleuil tein kitemakaj akin taixyekanaj. Nejin tapaleuis maj oksepa kichiuakan tein moneki uan ijkon oksepa uelis yeskij itaixpantijkauj Jiova. Akin kinkixtiaj uan kikauaj tein amo kuali uan kinextiaj ika nochi ininyolo ke kinekij monejnemiltiskej kemej tamachtia Biblia, uelis oksepa yeskij itaixpantijkauan Jiova.