¿Dios kichiua maj titajyouikan?

Tein Biblia kijtoua

Biblia kijtoua ke amo. Keman Dios kichijchiuak yekinika takat uan yekinika siuat amo kiixtalij maj tajyouianij. Sayoj ke ¿toni panok? Biblia kijtoua ke yejuan kiixpejpenkej amo kitakamatiskejok Dios uan peuak kichiuaj tein yejuan kinemiliayaj ke kuali yetoya. Kemej kiixnamikkej Dios akin kinchijchiuak, peuak tajyouiaj.

Tein yejuan kichiujkej no techijtakoua axkan. Nejon kinextia ke amo yejua Dios kichiua maj titajyouikan.

Yejua ika Biblia kijtoua: “Maj amo akin kijto keman kiixnamiktos se ouijkayot: ‘Dios nechyejyekojtok’. Porin amo akin ueli kichiualtia Dios tein amo kuali nion Dios kichiua maj se kipia ouijkayomej” (Santiago 1:13). Tinochin titajyouiaj. Hasta akin kichiuaj tein Dios kiuelita no kipanouaj ouijkayomej.