¿Toni uelis tiktajtaniskej Dios?
Tein Biblia kijtoua
Uelis tiktajtaniskej tein yeski taman sayoj ke moneki mouikas ika tein yejua technauatia uan techmachtia itech Biblia. Ompa kijtoua: “Uelis tiktajtaniskej nochi, uan komo yejua tein Dios kineki yejua techkaki” (1 Juan 5:14). ¿Kemej de toni uelis tiktataujtiskej Dios? Uelis tiktapouiskej nochi tein techtekipachoua. Biblia techiluia maj tiktapouikan Dios nochi tein tikmachiliaj. Ompa kijtoua: “Iixpan [...] xiktapokan namoyolo” (Salmo 62:8).
Tein uelis tiktajtaniskej Dios keman tiktataujtiskej
Maj techpaleui maj iuan titakuaujtamatikan (Lucas 17:5).
Maj techmaka ichikaualis para uelis tikchiuaskej tein kuali yetok (Lucas 11:13).
Maj techpaleui para uelis tikixnamikiskej ouijkayomej uan para amo titajtakolchiuaskej (Filipenses 4:13).
Maj techyolseui uan maj techpaleui maj amo timoteltekipachokan (Filipenses 4:6, 7).
Maj techpaleui maj timochiuakan titamatinij para kuali tikixpejpenaskej toni tikchiuaskej (Santiago 1:5).
Maj techpaleui maj tikajsikan tein mojmostaj ika timoixpanoltiskej (Mateo 6:11).
Maj techtapojpoluili totajtakoluan (Mateo 6:12).