TAMACHTILIS 33
Tein kichiuas iTekiuajyo Dios
ITekiuajyo Dios taixyekantokya. Amo uejkaua kipatas miak taman nikan taltikpak. Maj tikitakan seki taman tein kuali tein kichiuas nejin tekiuajyot uan tein uelis tikonchias ika yolpakilis.
1. ¿Toni kichiuas iTekiuajyo Dios para maj oksepa onka yolseuilis uan melaujkayot itech taltikpak?
Itech neteuilis Armagedón, Jesús, Tekiuaj itech iTekiuajyo Dios, kinixpolos akin amo yolkualmej uan tekiuanij (Apocalipsis 16:14, 16). Itech nejon tonalmej, mochiuasya nejin tein Biblia kijtojka: “Amo uejkauaok, akin amo yolkualmej amo nemiskejok” (Salmo 37:10). Ika nejin tekiuajyot, Jesús kichiuas maj onka yolseuilis uan melaujkayot itech nochi taltikpak (xikonita Isaías 11:4).
2. ¿Keniuj tinemiskej keman mochiuas tein Dios kineki nikan taltikpak?
Keman taixyekantosya iTekiuajyo Dios, “akin yolmelaujkej ininaxkatis taltikpak uan ompa nemiskej nochipaya” (Salmo 37:29). Xikonnemili keniuj tinemiskej keman nochin yeskij yolkualmej, kitasojtaskej Jiova uan nochin motasojtaskej. ¡Semi kualtsin yeski! Amo akin kokolispeuasok uan nochin nemiskej nochipaya.
3. ¿Toni kichiuas iTekiuajyo Dios keman ixpoliuiskej akin amo yolkualmej?
Keman kinixpolos akin amo yolkualmej, Jesús tekiuajtis 1,000 xiujmej. Itech nejon xiujmej, Jesús uan 144,000 akin iuan tekiuajtiskej kinpaleuiskej nochin maj amo tajtakolejkejok. Keman tamis 1,000 xiujmej, nochi taltikpak yeski se kualtsin xochital uan akin ompa nemiskej yolpakiskej porin kitakamatij Jiova. Ompa, Jesús kikepilis Tekiuajyot iTajtsin, Jiova. Uan itokay Dios senkis mochipauas (Mateo 6:9, 10, TNM). Moyekitas ke Jiova kuali taixyekana uan kinyekpia itekitikauan. Ompa, Jiova kiixpolos Satanás uan amokuali ejekamej uan no akin kinekiskej kiixnamikiskej itaixyekanalis (Apocalipsis 20:7-10). Nochi tein kichiuas iTekiuajyo Dios amo keman tamis.
MAJ OKACHI TIMOMACHTIKAN
Maj tikitakan keyej uelis tikneltokaskej ke itechkopa iTekiuajyo, Dios kichiuas maj kuali tinemikan ijkon kemej kijtoua Biblia.
4. ITekiuajyo Dios kinixpolos nochi tekiuanij itech taltikpak
“Taltikpaknenkej kiixyekana taltikpaknenkej uan kitajyouiltia” (Eclesiastés 8:9). Yejua ika, Jiova itechkopa iTekiuajyo kiixpolos nochi porin nejin kichiuani maj miakej tajyouikan.
Xikitakan Daniel 2:44 uan 2 Tesalonicenses 1:6-8 uan ika xitajtokan nejin:
¿Toni kinchiuiliskej Jiova uan Jesús tekiuanij uan akin kinpaleuiaj?
Ika tein tionmomachtianiya kemej tamati Jiova uan Jesús, ¿keyej tikonneltoka ke amo techichikouiskej?
5. Jesús okachi kuali Tekiuaj
Kemej Tekiuaj itech iTekiuajyo Dios, Jesús kichiuas miak taman para kinpaleuis akin nemiskej itech taltikpak. Xikitakan VIDEO para oksepa nankiitaskej ke Jesús kinextij ke kineki kinpaleuis oksekin uan Dios kimakak chikaualis para maj kichiua.
Tein Jesús kichiuak keman yetoya nikan taltikpak, kinextij tein kichiuas iTekiuajyo Dios. Tein nikan nesi ke mochiuas, ¿toni tikonuelitaskia maj mochiuaya? Xikitakan nochi textos kampa kijtoua tein mochiuas.
ITECH TALTIKPAK, JESÚS... |
OMPA LUIKAK, JESÚS... |
|---|---|
|
|
|
|
|
|
|
|
6. ITekiuajyo Dios kichiuas maj kuali tinemikan
Ika iTekiuajyo, Jiova senkis kichiuas tein yekinika kinekia para nochin. Nemiskej nochipaya itech taltikpak tein yeski se xochital. Xikitakan VIDEO para nankimatiskej keniuj Jiova kichiua tein kineki itechkopa Jesús.
Xikitakan Salmo 145:16 uan ika xitajtokan nejin:
¿Keniuj mitsonyolchikaua tikonmatis ke Jiova kinmakas “tein kinekij nochin akin yoltokej”?
TEIN SEKIN KIJTOUAJ: “Komo timosenpaleuiaj uelis tikyektaliskej tein amo kuali tein mochiua itech taltikpak”.
¿Toni tein amo ueli kichiuaj tekiuanij kichiuas iTekiuajyo Dios?
TEIN TIKITAKEJ
ITekiuajyo Dios kichiuas tein kiixtalia. Kichiuas maj nochi taltikpak se xochital, maj ompa nemikan akin yolkualmej uan maj kiueyichiuakan Jiova nochipa.
Maj tikelnamikikan
¿Keniuj iTekiuajyo Dios kichipauas itokay Jiova?
¿Keyej tikneltokaj ke iTekiuajyo Dios kichiuas tein Dios kijtoua itech Biblia?
¿Toni tein kichiuas iTekiuajyo Dios okachi tikonneki maj mochiuaya?
NO XIKONITA NEJIN
Xikonita toni Armagedón.
Xikonita toni mochiuas itech mil xiujmej keman Jesús tekiuajtitos uan keman tamis nejon xiujmej.
“¿Toni panos itech tonal keman motaixkomakas?” (Tanejmachtijkej, 1 metsti octubre xiuit 2012)
¿Keniuj uelis kalyetouanij kinemiliskej ke yetokejya itech xochital?
Xikonita kampa techtapouiaj ininnemilis “Me inquietaban muchas preguntas”, kampa tikonitas keniuj aksa akin kinixnamikia tekiuanij kiajsik tein kitemouaya.
“La Biblia les cambió la vida” (La Atalaya, 1 de enero de 2012)