Maj nochipa tiktekitiltikan
1. ¿Toni ueli tikchiuaj ika tratado Tikonuelitaskia tikonmatis itanankililuan?
1 Tratado ¿Tikonuelitaskia tikonmatis itanankililuan netajtanilmej tein motelneki? techtelpaleuia maj tikpeualtikan nemachtilmej ika Biblia. Sayoj ke no tel tapaleuia maj tikmoyauakan tamachtilis tein melauak (Ecl. 11:6). Nikan tikijtotij ome eyi taman keniuj uelis tiktekitiltiskej kemej moneki.
2. ¿Keniuj ika tratado uelis tipeuaskej titajtoskej itech tanojnotsalis?
2 Ika tipeuaskej titajtoskej. Uelis tikonmakas tratado taltikpaknenkej, tikonnextilis chikuasen netajtanilmej tein kiualkui iixko amat uan tikontajtanis: “¿Kemansa tionmochiuiliani semej netajtanilmej tein nikan moajsij?”. Satepan ke mitsonnankilis, iuan xikonita keniuj tratado kinankilia ika Biblia semej netajtanilmej tein mochiuiliani, uan xikonixtajtolti se texto tein ompa ixnesi. Ompa xikonixtajtolti oso xikonijto tanemilil tein kiualkui itamian amat uan xikonkauili amaix Tamachtia Biblia. Maski amo kinekis kiselis amaix, tikmakakejya tratado tein uelis kiolinis iyolo maj kineki kimatis okachi (Mat. 13:23).
3. ¿Toni uelis tikchiuaskej komo taltikpaknenkej amo kemanti?
3 Komo taltikpaknenkej amo kemanti. Uelis tikonijtos: “Kemej axkan nimitsonajsiko amo tionkemanti, sayoj nikneki nimitsonkauilis nejin tratado. Nikan ixnesi chikuasen netajtanilmej tein timiakej timochiuilianij uan kinextia tanankilil tein kitemaka Biblia. Okse tonal nipanoua uan tinechoniluis keniuj tikonitak tein kijtoua”.
4. ¿Toni uelis tikijtoskej keman tiktemakaskej tratado itech ojti?
4 Keman aksa tiknojnotsaj itech ojti. Satepan ke tikontajpalos uelis tikonijtos: “¿Kemansa tionmochiuiliani nejin netajtanilmej? [Xikonkaua maj tanankili.] Itech nejin amat ixnesi tanankilil tein kitemaka Biblia tein amo ouij uan tein semi teyolseuia”. Komo taltikpaknenkej amo tel ijsiujtok, uelis iuan tikonitas se tanankilil tein kitemaka tratado uan hasta tikonkauilis amaix Tamachtia Biblia.
5. ¿Keniuj kemansa uelis tikuiskej tratado komo amo yetokej kalijtik?
5 Keman amo moajsij kalijtik. Itech seki xolalmej komo amo moajsij kalijtik, kemansa tanojnotsanij kikauaj se amaix kampa amo kiitaskej ojneminij. Komo kampa timonechikouaj ijkon kichiuanij, kemansa no uelis tikonkauas tratado Tikonuelitaskia tikonmatis itanankililuan. Keman tionmokepas uelis tikonijtos: “Seki tonalmej achto tipanokej uan amo nanyetoyaj. Yejika tikaujkej nejin tratado nikan kaltenoj. ¿Katiyejua netajtanil tein nikan ixnesi tikonuelitaskia tikonmatis itanankilil?”.
6. ¿Toni tein kipia tratado Tikonuelitaskia tikonmatis itanankililuan tel tapaleuia?
6 Tratado Tikonuelitaskia tikonmatis itanankililuan ika ome eyi tajtolmej kualtsin kimelaua tamachtilis tein melauak. Uan nejon tamachtilis kiuelkakij nochin tein kipiaj tataman taneltokalis uan tein seseko kayomej. Amo ouij se kitemaka uan hasta tein konemejok uan tanojnotsanij tein yankuikej uelis kichiuaskej nejon. ¿Tikonkui tratado nochipa keman tikonita ke uelis?