¿Tikonitati tein onkak kampa kitaliaj tanauatilmej?
Tayekananij, tapaleuianij uan okseki tokniuan akin kiixyekanaj se taman tekit itech nechikol, kiitatij kampa kitaliaj tanauatilmej uan ijkon kimatij ox kipiaj se tekit. Maski ijkon, tinochin tikajsiskej ompa se taman tein uelis techpaleuis. ¿Tikmatij kemanian titachipauaskej itech Kali kampa tiMosentiliaj? ¿Kali Betel oso tokniuj takalpanojkej kitotokani se tajkuilol tein motelneki? ¿Tikmattokejya keniuj motokaytis tanojnots tein motemakas nejin semana uan ijkon tikinyoleuaskej akin tikinmachtiaj? ¿Mopatak hora keman mochiua tonechikol oso keman tikisaskej titanojnotsatiuij? Miak taman tein nikan nesi amo moijtouaok itech nechikolmej, uan tayekananij amo nochipa ueli kinnauatiaj nochin tanojnotsanij. Yejua ika, semi kuali maj tikitatij toni tanauatilmej onkak. Komo tikmattokej tein ompa moajsi, tikchiujtoskej nochi kemej moneki (1 Cor. 14:40).