NETAJTANILMEJ TEIN KISAJ ITECH BIBLIA
¿Keniuj uelis konemej kitasojtaskej Dios?
Xikonpaleui mokoneuan maj kitasojtakan Dios ika tein yejuatsin kichijchiuak
Mokoneuan kitasojtaskej Dios komo kimatij toni taman onkak tein kinextia ke yejuatsin yekmelauj nemi uan ke kintasojta. No moneki maj kiixmatikan (1Juan 4:8). Kemej neskayot, moneki kimatiskej keyej techchijchiuak, keyej kikaua maj onka tajyouilis, uan toni techualkuilis satepan. (Xikonixtajtolti Filipenses 1:9.)
Mokoneuan kitasojtaskej Dios, komo kiitaj ke tejuatsin no tikontasojta, tein melauj yejuan kichiuaskej tein tejuatsin tikonchiuas. (Xikonixtajtolti Deuteronomio 6:5-7 uan Proverbios 22:6.)
¿Keniuj uelis tikonpaleuis mokoneuan maj kitasojtakan Dios?
ITajtol Dios kipia miak chikaualis (Hebreos 4:12). Yejua ika xikonpaleui mokoneuan maj kiajsikamatikan tein Biblia tamachtia. Komo tikonneki maj tamachtilis ajsi itech ininyolo mokoneuan, xikonchiua kemej Jesús kichiuak iniuan imomachtijkauan: xikonchiuili netajtanilmej, xikonkaki tein tanankiliaj uan xikonmelauili tein amo kiajsikamatiskej. (Xikonixtajtolti Lucas 24:15-19, 27, 32.)
No uelis tikonixtajtoltis iniuan itech Biblia kampa ika tajtoua keniuj Dios kinnextilij netasojtalis taltikpakneminij. Ijkon okachi kuali kiixmatiskej Jiova uan okachi kitasojtaskej. Itech www.jw.org/es tikonajsis seki taman tein mitsonpaleuis. (Xikonixtajtolti 2 Timoteo 3:16.)