Maj okachi kuali titanojnotsakan: Amo xikonmachtiok akin amo kichiua tein momachtia

KEYEJ MOTELNEKI. Sayoj makisaskej akin kiueyichiuaj Jiova (Ro 10:13, 14, TNM). Sayoj ke, amo nochin akin tikinmachtiaj ika Biblia kinekij kitakamatiskej Jiova. Yejua ika, maj okachi tikitakan keniuj tikinpaleuiskej akin yekmelauj kinekij mopataskej uan kiyolpaktiskej Dios. Komo se akin uejkaujya tikmachtiaj amo kichiua tein momachtia, moneki amo tikmachtiskejok uan sayoj tikinpaleuiskej akin yekmelauj kinekij motokiskej iuan Jiova uan itech inechikol (Jn 6:44). Satepan, komo akin tikmachtiayaj mopata uan yekmelauj kinextia ke kineki nemis nochipaya, uelis oksepa tikmachtiskej (Hch 13:48, TNM).

KENIUJ TIKCHIUASKEJ

• Xikonilui akin tikonmachtia ke kuali tein kichiua porin kineki kimatis tein Biblia tamachtia (1Ti 2:4).

• Xikonelnamikti ke motelneki kichiuas tein momachtia (Lu 6:46-49).

• Iuan xikonita neskayot kampa ika motajtoua takat akin kitoka xinach uan xikonilui maj kiita keyej ayamo peua kichiua tein momachtia (Mt 13:18-23).

• Xikonilui ika nejmachkayot keyej amo tikonmachtisok.

• Xikonilui ke kemansa tikonnotsas oso tikonkalpanos uan ke oksepa tikonmachtis komo kichiua tein momachtia.

SATEPAN KE MOITAS VIDEO, XIKONNANKILI NEJIN NETAJTANILMEJ:

• ¿Toni kinextia ke momachtijkej amo kichiujtoya tein momachtia?

• ¿Keniuj tokniuj kipaleuij maj kiajsikamati ke monekia mopatas?

• ¿Keniuj tokniuj kimelauilij ke satepan uelis oksepa kimachtis?