Tinochin uelis titanojnotsaskej uan titamachtiskej

Keman Dios kinauatij Moisés maj kichiua se tekit, yejua kinemilij ke amo ueliskia kichiuas (Éx 4:10, 13). ¿Kemansa no ijkon tikonnemiliani? ¿Mitsonmachtijtokej itaixpantijkauan Jiova ika Biblia uan tikonnemilia ke amo uelis tiontanojnotsas kajkalpan? ¿Titelpoch oso tiichpoch uan timoui titanojnotsas kampa timomachtia? ¿Ouij mitsonkisa tiontanojnotsas kampa miakej panouaj oso tiontanojnotsas ika telefóno? Komo ijkon, xikontajtani Jiova maj mitsonpaleui ika iespíritu (1Pe 4:11). Senkis xikonneltoka ke Jiova mitsonmakas tein monekis uan ijkon mitsonpaleuis xikonchiua tein yeski tekit tein mitsonnauatis (Éx 4:11, 12).

SATEPAN KE MOITAS VIDEO XIKNEXTIKAN YOLCHIKAUALIS, TANOJNOTSANIJ, XIKONNANKILI NEJIN NETAJTANILMEJ:

• ¿Toni kipanouaya tokniuj Aoyama?

• ¿Toni kichiuak tein kipaleuij maj moyolchikaua? (Jer 20:7-9.)

• ¿Toni tein kuali kiselij porin okachi kitekitilij Jiova?

• ¿Keniuj Jiova uelis mitsonpaleuis komo se taman mitsontsakuilia okachi xiontanojnotsa?