TAMACHTILIS 12

Xikonnexti netasojtalis uan xionteajsikamati

1 Tesalonicenses 2:7, 8

TEIN MONEKI TIKONCHIUAS: Xiontajto kemej tikonnextis ke tikontasojta akin mitsonkakij uan ke ininka tionmotekipachoua.

Inintech xiontanemili akin mitsonkakij. Keman tionmomachtijtos, xiontanemili itech ouijkayomej tein kipanouaj uan xikontemo tikonnemilis keniuj momachiliaj.
Kuali xikonixpejpena motajtoluan. Xikontemo tikonyolchikauas uan tikonyolseuis akin mitsonkakij. Amo xikonkui tajtolmej tein teyolxokoliaj. Xikonnexti poujkaitalis keman ininka tiontajtos akin amo kitekitiliaj Jiova uan amo xikonijijto tein kineltokaj.
Xikonnexti ke ininka tionmotekipachoua. Nejin uelis tikonchiuas keman tiontajtos ika yolpakilis uan ika tein tikonnextis ika moixko uan momauan. Xikonnemili toni tionteajsikamatiltia ika tein tikonnextia ika moixko. Miakpa xionixuetska.

Nochipa xiontajto kemej kinamiki. Keman tikonixtajtoltis se tajkuilol itech Biblia, xikonnexti tein kimachiliaj akin ininka motajtojtok ompa, sayoj ke amo xikonchiua maj ika mitsonueyitalikan. Xionmochikaua tiontajtos ika netasojtalis uan yolpakilis.