TAMACHTILIS 06
¿Keniuj peuak tinemij?
Tejuatsin Dios, “tikchiua maj tiyoltokan” (Salmo 36:9). ¿Toni tikonnemilia tejuatsin? Miakej kinemiliaj ke nochi iselti peuak uan ke amo akin techchijchiuak, komo ijkon yeskia nenkaj tiyoltokej. Sayoj ke komo Jiova techchijchiuak, ¿melauj ke amo nenkaj techchijchiuaskia?a Xikonita itech Biblia keniuj peuak tinemij uan keyej uelis tikneltokaskej.
1. ¿Akoni kichijchiuak iluikak uan taltikpak?
Biblia kijtoua: “Keman peuak nochi, Dios kichijchiuak iluikak uan taltikpak” (Génesis 1:1). Miakej taixmatinij no kijtouaj ke nochi tein onkak kipia ipeujyan. ¿Keniuj Dios kichijchiuak nochi tein onkak? Ika “ichikaualis” oso iyektikatsin espíritu, Dios kichijchiuak nochi tein onkak, kemej planetas uan semi miak sitalimej (Génesis 1:2).
2. ¿Keyej Dios kichijchiuak Taltikpak?
Jiova “amo [...] nenkaj kichijchiuak, ta kichijchiuak maj ompa nemikan” (Isaías 45:18). Dios kichijchiuak taltikpak semi kualtsin uan kichijchiuak nochi tein tapaleuiskia maj tinemikan nochipaya (xikonita Isaías 40:28 uan 42:5). Taixmatinij kijtouaj ke taltikpak amo kemej okseki planetas porin sayoj nikan ueli se nemi.
3. ¿Keyej tejuan amo tichijchiujtokej kemej tapialmej?
Keman Jiova kitamichijchiuak taltikpak kichijchiuak nochi tein yoltok. Yekinika kinchijchiuak koujmej uan tapialmej. Satepan “Dios peuak kichijchiua takat kemej yejuatsin tamati” (xikonita Génesis 1:27). ¿Keyej tejuan amo tichijchiujtokej kemej tapialmej? Porin Dios techchijchiuak kemej yejuatsin tamati, yejua ika ueli titetasojtaj uan no tiknekij maj mochiua tein kuali. No techchijchiuak kemej uelis titajtoskej okseki tajtolmej, maj tikuelitakan tein tikitaj uan maj techyolpakti tatsotson. Uan no, tejuan ueli tikueyichiuaj Akin techchijchiuak, nejin se taman tein tapialmej amo ueli kichiuaj.
MAJ OKACHI TIMOMACHTIKAN
Maj tikitakan seki taman tein kinextia ke Dios kichijchiuak nochi tein yoltok uan keyej uelis se kineltokas keman Biblia ika tajtoua nejin. No tikitaskej ke uelis tikixmatiskej Dios keman tikitaj keniuj titamatij.
4. Aksa kinemilij maj mochijchiua nochi tein yoltok
Keman sekin kiitaj tein onkak itech taltikpak uan no kichijchiuaj, miakej kinueyitaliaj. Sayoj ke, ¿akoni sayoj kinamiki maj kiueyitalikan? Xikitakan VIDEO uan ika xitajtokan nejin:
¿Toni tein kiitaj itech taltikpak no ijkon kichijchiuanij?
Nochi kalmej monekik kinchijchiuaskej. Sayoj ke, ¿akoni kinemilij uan kichijchiuak nochi tein onkak? Xikitakan Hebreos 3:4 uan ika xitajtokan nejin:
¿Toni tein Dios kichijchiuak okachi tikonuelita?
¿Keyej uelis tikneltokaskej ke aksa kichijchiuak nochi tein onkak?
“Ipa yetok [...] aksa [...] ten kichijchiuak cada kali. Pero Totajtsin Dios [...] kichijchiuak nochi ten ongak”
5. Uelis se kineltokas keman Biblia kijtoua ke aksa tachijchiuak
Itech Génesis capítulo 1, Biblia kijtoua keniuj mochiuak taltikpak uan nochi tein yoltok. Sayoj ke, ¿ijkon mochiuak oso sayoj moijtoua? Xikitakan VIDEO uan ika xitajtokan nejin:
¿Tamachtia Biblia ke taltikpak uan nochi tein yoltok mochijchiuak itech chikuasen tonal?
¿Yekmelauj Dios tachijchiuak ijkon kemej Biblia kijtoua? ¿Keyej uelis se kineltokas?
Xikitakan Génesis 1:1 uan ika xitajtokan nejin:
Taixmatinij kijtouaj ke nochi tein onkak kipiak ipeujyan, ¿no ijkon moijtoua itech nejin texto?
Miakej motajtaniaj ox Dios tachijchiuak ika evolución, porin kinemiliaj ke sayoj kichijchiuak se célula uan ika mochijchiuak nochi tein yoltok. Xikitakan Génesis 1:21, 25, 27 uan ika xitajtokan nejin:
Keman Dios kinchijchiuak amichimej, okseki tapialmej uan keman techchijchiuak, ¿tamachtia Biblia ke kichiuak ika evolución? ¿Oso yejuatsin kichijchiuak sejse taman tein yoltok?
6. Tejuan semi titamamej ke okseki taman tein Dios kichijchiuak
Tejuan amo titamatij kemej tapialmej. Xikitakan Génesis 1:26 uan ika xitajtokan nejin:
Tejuan ueli titetasojtaj uan titeikneliaj porin titamatij kemej Dios, ¿toni mitsonmachtia nejin?
TEIN SEKIN KIJTOUAJ: “Amo yekmelauj panok keman Biblia kijtoua ke Dios tachijchiuak”.
Tejuatsin, ¿toni tikonnemilia? ¿Keyej?
TEIN TIKITAKEJ
Jiova kichijchiuak nochi tein onkak uan nochi tein yoltok.
Maj tikelnamikikan
¿Keniuj Biblia kijtoua ke peuak nochi tein onkak?
¿Kichijchiuak Dios nochi tein yoltok ika evolución oso yejuatsin kichijchiuak sejse taman?
¿Keyej tejuan amo tichijchiujtokej kemej okseki taman tein Dios kichijchiuak?
NO XIKONITA NEJIN
Xikonita seki taman tein onkak itech taltikpak tein kinextia ke aksa tachijchiuak.
“¿Qué nos enseña la naturaleza?” (¡Despertad!, septiembre 2006)
Xikonita keniuj se tepopaj kimelauilia ikonetsin keman Biblia kijtoua ke Dios tachijchiuak.
Xikonita ox tein tamachtia Biblia mouika ika evolución.
“¿Creó Dios los distintos tipos de seres vivos mediante la evolución?” (Artículo de jw.org)
Xikonita ox tein momachtiaj taixmatinij uan omimej tein kinajsinij kinextia ke aksa tachijchiuak oso nochi iselti peuak.
El origen de la vida. Cinco cuestiones dignas de análisis (folleto)
a Itech tamachtilis 25 ika tajtoua kemej Dios kiixtalijtok maj tinemikan.