TAMACHTILIS 49
Keniuj uelis tionyolpakis iniuan mochankauan (taxelol 1)
Akin monamiktiaj kiuelitaskiaj maj uejkaua nochipaya yolpakilis tein kimachilijkej keman monamiktijkej, uan uelis yeski ijkon. Akin kichiuaj kemej Cristo akin uejkaujya monamiktijkej, uan mochikauanij kichiuaskej tein tayolmajxitia Biblia kimatij ke ueli se kichiua.
1. ¿Toni kiyolmajxitia Biblia takat akin monamiktijya?
Jiova kinauatia takat maj kinixyekana ichankauan (xikonita Efesios 5:23). Uan kichia maj tein kiixpejpena kinpaleui ichankauan. Biblia kinyolmajxitia takamej akin monamiktijkejya nejin: “Moneki xikintasojtatiyakan namosiuauan” (Efesios 5:25). ¿Toni kijtosneki? Takat akin kitasojta isiuatsin kinextia keman yetokej ininselti uan keman yetokej iniuan oksekin. Kiyekpia, kiita maj amo teyi kipolo uan maj yolpaki (1 Timoteo 5:8). Uan tein okachi moneki, kiita maj kisentoka kuali mouika iuan Jiova (Mateo 4:4). Uelis iuan kichiuas netataujtil uan kileros Biblia. Keman takat kiyekpia isiuatsin ika netasojtalis, kisentoka kuali mouika iuan Jiova (xikonita 1 Pedro 3:7).
2. ¿Toni kiyolmajxitia Biblia siuatsin akin monamiktijya?
ITajtol Dios kijtoua ke “tesiuau moneki ma momouiskauika iuan iyokich [itakauj]” (Efesios 5:33). ¿Keniuj uelis kichiuas? Uelis kinemilis tein kuali tein kichiua itakauj uan keniuj mochikaua kinyekpias yejua uan ikoneuan. No uelis kinextis ke kipoujkaita, keman kipaleuia tein kiixtalia, keman kualtsin kinojnotsa uan kuali ika tajtoua maski amo momachtia Biblia.
3. ¿Toni kinpaleuis akin monamiktijkejya maj okachi kuali mouikakan?
Biblia kiniluia akin monamiktijkejya: “In ome mokauas sanse san” (Mateo 19:5). Nejin kijtosneki ke amo moneki kichiuaskej nion teyi tein uelis kinxelos. Yejua ika mochikauaj senyetoskej, ika netasojtalis moiluiaj tein yekmelauj kinemiliaj uan tein kimachiliaj. Uan nion teyi uan nion akin kiitaj ke okachi moneki, ta sayoj Jiova uan akin iuan monamiktijkej. Uan no, moyekpiaj para amo semi mouikaskej iuan aksa akin amo ininsiuatsin oso inintakauj.
MAJ OKACHI TIMOMACHTIKAN
Maj tikitakan tamachtilismej tein kipia Biblia tein mitsonpaleuis okachi kuali xionmouika iuan akin tionmonamiktij.
4. Takat, xikontasojta uan xikonyekpia mosiuatsin
Biblia kijtoua ke “in teyokichuan [tetakauan] ma kintasojtatinemikan ninsiuauan ika ne tetasojtalis tenika [...] motasojtatinemi” (Efesios 5:28, 29). ¿Toni kijtosneki nejin? Xikitakan VIDEO uan ika xitajtokan nejin:
¿Keniuj uelis takat kinextis ke kitasojta isiuatsin uan itech tanemilia?
Xikitakan Colosenses 3:12 uan ika xitajtokan nejin:
¿Keniuj uelis takat kichiuas tein nikan kijtoua iuan isiuatsin?
5. Siuatsin, xikontasojta uan xikonpoujkaita motakauj
Biblia kiyolmajxitia siuatsin maj kipoujkaita itakauj, komo yejua kitekitilia Jiova oso amo. Xikitakan 1 Pedro 3:1, 2 uan ika xitajtokan nejin:
Komo motakauj amo kitekitilia Jiova, xa tikonneki maj kichiua. ¿Toni okachi tapaleuis: komo nochipa tikonnojnotstok ika Biblia oso tein kiita ke tikonchiua uan tikonpoujkaita? ¿Keyej ijkon tikonnemilia?
Se takat uan isiuatsin uelis kuali sentaixpejpenaskej. Sayoj ke kemansa siuatsin amo tanemilis kemej itakauj. Komo ijkon, moneki kiluis tein kinemilia ika nejmach uan poujkaitalis. Sayoj ke, moneki kielnamikis ke Jiova kinauatia takat maj kiixpejpena tein okachi kinpaleuis ichankauan. No moneki mochikauas kipaleuis tein kiixtalia. Komo ijkon kichiua tapaleuis maj nochin yolpakikan. Xikitakan 1 Pedro 3:3-5 uan ika xitajtokan nejin:
¿Keniuj momachilia Jiova keman kiita ke siuatsin kipoujkaita itakauj?
6. Akin monamiktijkejya uelis kiyektaliskej kuejmolmej
Nochin akin monamiktiaj tajtakolejkej. Yejua ika, moneki mosenpaleuiskej para kiixnamikiskej ouijkayomej. Xikitakan VIDEO uan ika xitajtokan nejin:
¿Keniuj tikmatij ke takat uan siuatsin akin nesij itech video amo kuali mouikayajok?
¿Toni kichiujkej para oksepa kuali mouikaskej?
Xikitakan 1 Corintios 10:24 uan Colosenses 3:13. Keman nankiitaskej sejse texto ika xitajtokan nejin:
¿Keyej kinpaleuia maj okachi kuali mouikakan akin monamiktijkejya tein nikan tayolmajxitia?
Biblia kijtoua ke moneki timopoujkaitaskej se iuan okse, nejin no kijtosneki maj titetasojtakan uan maj titepoujkaitakan. Xikitakan Romanos 12:10 uan ika xitajtokan nejin:
Akin monamiktijya, ¿moneki kichias maj itakauj oso isiuatsin peua kipoujkaita para yejua no kichiuas? ¿Keyej ijkon tikonnemilia?
TEIN SEKIN KIJTOUAJ: “Tejuan amo semi kuali timouikajok kemej achto”.
¿Keniuj tikoniluiskia ke Biblia uelis kinpaleuis?
TEIN TIKITAKEJ
Takat uan siuat akin monamiktijkejya uelis yolpakiskej komo motasojtaj, mopoujkaitaj uan kichiuaj tein Biblia tayolmajxitia.
Maj tikelnamikikan
¿Keniuj takat uelis tapaleuis maj okachi yolpaki iuan isiuatsin?
¿Keniuj siuatsin uelis tapaleuis maj okachi yolpaki iuan itakauj?
Komo tejuatsin tionmonamiktijya, ¿katiyejua tamachtilis tein kipia Biblia namechpaleuis okachi kuali ximouikakan?
NO XIKONITA NEJIN
Xikonita tein uelis mitsonpaleuis xionyolpaki iniuan mochankauan.
Xikonita se video ika tatsotson tein kinextia tatiochiualismej tein kiseliaj akin monamiktijkejya komo kichiuaj tein Dios kinyolmajxitia.
Xikonita toni kijtosneki se kipoujkaitas tanauatil tein kipia takat.
“¿Por qué debe la mujer respetar el principio de autoridad?” (La Atalaya, 15 de mayo de 2010)
Xikonita keniuj kinpaleuia akin monamiktijkejya tein Biblia kinyolmajxitia.