Tataman tamachtilis itech semana 26 metsti marzo

SEMANA 26 METSTI MARZO

Nekuikatil 92 uan netataujtil

□ Nemachtil ika Biblia itech Nechikol

bt-S cap. 18 § 12-18 (25 min.)

□ Escuela tein Techmachtia iTekiyo Dios

Tein moixtajtoltia itech Biblia: Jer. 12-16 (10 min.)

1: 1 Tesalonicenses 4:1-14 (maj amo pano 4 min.)

2: ¿Toni moneki tikchiuaskej uan ijkon uelis tikseliskej nemilis nochipaya? (bh cap. 3 § 15,16) (5 min.)

3: Maj timelaujkej iuan tokalyetouanij (lv cap. 14 § 6-9) (5 min.)

□Nechikol tein Techmachtia iTekiyo Dios

Nekuikatil 124

5 min. Tanauatilmej. Xikonijto kanachi xolalmej poliuiok motemakas tayoleualis ika tonal keman tikelnamikiskej imikilis Jesús.

10 min. Xikinselikan nekes namokalpanojkauan (Heb. 13:1, 2). Tanojnots tein kitemakas se tayekankej. Xikonijto tein moixtalijtok mochiuas itech tonal ijkuak moelnamikis imikilis Jesús. Xikonijto keniuj uelis kuali tikinseliskej taltikpakneminij ijkuak techkalpanoskej uan tokniuan akin amo tanojnotsajok nion monechikouaj. Maj motemaka se ixneskayot tein ika monextis omen taman: yekinika, achtopa ijkuak peua nechikol, se tanojnotskej kuali kiselia se taltikpaknenkej akin kiselij se tayoleualis; satepan, ijkuak tamiya nechikol, nejon tanojnotskej iuan motenkaua kemanian kikalpanos.

20 min. “Ikualtsin tachijchiualis Dios kinextia iueyipanchiualis.” Netajtanilmej uan tanankililmej. Xionpeua xiontajto ika tein kijtoua yekinika párrafo uan xionmatami ika naujpatika párrafo. Xikonilui takakinij maj kijtokan keniuj kinpaleuijtok tein kiitakej itech nejin video. Xikonijto keniuj uelis mokuis nejin itech tanojnotsalis.

Nekuikatil 110 uan netataujtil

Ikualtsin tachijchiualis Dios kinextia iueyipanchiualis

Miakej kinyolpaktia kiitaskej keniuj tachijchiujtok. Sayoj ke miakej amo kiajsikamatij ke tein kiitaj, yejua se taman tein kinextia keniuj tanemilia uan tein kimachilia toTachijchiujkauj (Rom. 1:20). Ne uejkauj, David kiixmatik Jiova porin kiixtajtoltiaya iTajtol. Sayoj ke no kemej yeskia kiitak uan iuan motokij keman kiitak itachijchiualis (Sal. 8:3, 4). Video tein motokaytia Las maravillas de la creación revelan la gloria de Dios uelis techpaleuis tejuan, tokoneuan uan akin tikinmachtiaj ika Biblia, maj okachi ika tanemilikan itachijchiualis Jiova, maj kiitakan ikualneskayouan uan kemej tamati toUeyi Tachijchiujkauj, uan maj tikchikauakan toyekuikalis iuan. Satepan ijkuak tikonitas video, xikonnankili nejin netajtanilmej.

1) Ijkuak tikonmati itamachiuj uan kemej yekyetok nochi semanauak, ¿keniuj kichiua maj okachi xikontasojkamatili Jiova? (Isa. 40:26.) 2) Keman tikitaj at ika nejmachkayot, ¿toni technextilia kemej tamati Dios akin kichijchiuak? (Rev. 14:7.) 3) ¿Keniuj kinextia itamatilis Jiova itamachiuj taltikpak uan kemej xeliujtok iuan Tonaltsin? 4) ¿Toni ika tapaleuia metsti? (Sal. 89:37.) 5) ¿Toni techmakak Jiova tein ika ueli tiyolpakij itech tonemilis? 6) ¿Toni ADN? (Sal. 139:16.) 7) ¿Keniuj taltikpakneminij amo chijchiujtokej kemej okseki taman tein Jiova kichijchiuak? (Gén. 1:26.) 8) ¿Toni tikonneki tikonchiuas keman motayektalis nikan taltikpak? 

Okseki: 9) ¿Keniuj mochijchiuaj tapalmej? 10) ¿Keniuj ueli at pankisa hasta ininkuapan koujmej? 11) ¿Keniuj tekiti at itech inakayo se taltikpaknenkej? 12) Xikonijto seki neskayomej tein kinextia keniuj mouikaj nochi tataman itachijchiualis Dios tein yoltokej. 13) ¿Keniuj sejse itachijchiualis Dios tein yoltok kimati mouikas iniuan oksekin? 14) ¿Toni tein kiiluiaj ángulo áureo, uan keniuj monextia itech itachijchiualis Dios?

Maj tikitakan itachijchiualis Dios ika nejmachkayot. Jesús kinyoleuak imomachtijkauan maj ‘kiitakan san in tototsitsin ten patantinemij ejekaixko’ uan maj ‘kiitakan kenin moskaltiaj ne milajxochimej’ (Mat. 6:26, 28). Komo ijkon tikchiuaj, mochikauas totakuaujtamatilis uan okachi tikpoujkaitaskej itamatilis Jiova, ichikaualis tein ika temakixtia uan inetasojtalis. Maj amo titachiakan itech tein mochiujtok itech taltikpak, ta okachi kuali, maj tikxelokan tonal uan tochikaualis uan ijkon maj okachi tikitakan ikualtsin tachijchiualis Jiova, uan maj titanemilikan itech tein techmachtia ika toTajtsin (Sal. 19:1).