Ininka xiontanemili

Tein Jesús kichiuak

VIDEO: Jesús kinojnotsa se siuatsin itech se ameyal

1. Xikonita VIDEO oso xikonlero Juan 4:​6-9. Ompa xiontanemili itech nejin netajtanilmej:

1. 1). ¿Achto ke kinojnotsaskia nejon siuatsin, toni kiitak Jesús?

2. 2). Jesús kiluij: “Xinechmaka tepitsin at”. ¿Keyej ueli tikijtoua ke kuali kemej peuak kinojnotsa?

¿Toni techmachtia tein kichiuak Jesús?

2. Xa okachi kuali timonojnotsaskej iniuan komo titajtouaj ika se taman tein yejuan kinekij kimatiskej.

Xikonchiua kemej Jesús

3. Xikonpata tein tikonijtos. Keman peuas tionmonojnotsas iuan aksa, amo xiontajto ika tein tejuatsin tikonneki, ta peua xikonnojnotsa ika tein yejua kineki kimatis. Yejua ika xiontanemili itech nejin netajtanilmej:

1. 1). “¿Toni panotok itech nejin tonalmej?”.

2. 2). “¿Toni ika tajtouaj akin iniuan titekitij, akin iniuan timomachtiaj uan kampa tinemij?”.

4. Kuali xikonita tein onkak. Xionmotajtani:

1. 1). “¿Toni kichiujtok akin tikonnojnotsati? ¿Toni xa kinemilijtos?”.

2. 2). “¿Keniuj uelis nikmatis toni kineltoka keman nikita kemej motakentia, kemej ixtamati uan ichan?”.

3. 3). “¿Uelis iuan timonojnotsaskej?”.

5. Kuali xikonkaki.

1. 1). Amo semi xiontajto.

2. 2). Xikonkaua maj kijto tein kinemilia. Keman tikonitas ke uelis, xikontajtani seki taman.