TAMACHTILIS 26
¿Keyej semi mochiua tein amo kuali uan titajyouiaj?
Keman panoua teisa tein amo kuali miakej motajtaniaj “¿Keyej mochiuak?”. ¡Semi techyolpaktia maj Biblia kinankili nejin netajtanil!
1. ¿Toni kichiuak Satanás para maj peua mochiua tein amo kuali itech taltikpak?
Amokuali Satanás kiixnamikik Dios. Kemej yejua kinekia kinixyekanas oksekin, kichiuak maj Adán uan Eva kiixnamikinij Dios. Uan kichiuak keman kikajkayauak Eva (Génesis 3:1-5). Kichiuak maj kinemili ke Jiova amo kinekia kimakas se taman tein kuali uan ke nejon amo katka taixejekol. Ika nejin, kijtoj ke tinochin okachi tiyolpakiskej komo amo tiktakamatij Dios. Keman Satanás kiluij Eva ke amo momikiliskia, kijtojtoya yekinika takajkayaualis. Yejua ika Biblia kijtoua ke yejua “xolopijtijtinemi san, uan yejua [...] tetat den nochi nekes ten xolopijtijtinemij” (Juan 8:44).
2. ¿Toni kiixtalijkej kichiuaskej Adán uan Eva?
Jiova kinmakak miak taman Adán uan Eva. Itech xochital Edén kiniluij ke ueliskia kikuaskej tein yeski koujtakilot, sayoj se amo (Génesis 2:15-17). Maski ijkon kikuajkej nejon koujtakilot. Eva “peuak kikui itakilo uan kikua”. Uan ompa, Adán no “peuak kikua” (Génesis 3:6). Nochin omen amo kitakamatkej Dios. Kemej Adán uan Eva amo katkaj tajtakolejkej, ueliskia kichiuaskej tein kuali. Kemej amo kinekkej kitakamatiskej Dios, yejuan tajtakojkej uan kiixtopeujkej maj kinixyekana. Tein kiixtalijkej kichiuaskej semi kintajyouiltij (Génesis 3:16-19).
3. ¿Keniuj techijtakouani tein kichiujkej Adán uan Eva?
Keman Adán uan Eva amo tatakamatkej mochiujkej tajtakolejkej, uan kinpanoltilijkej tajtakol ininkoneuan. Biblia kijtoua de Adán: “Itechkakopaka ne achtopa tagat [...] in tajtakol momauak ya tech nochi senmanauak. Uan [...] ongak mikilis [...] ika por ne tajtakol [...]. Uan no ne mikilis mosouako [...] inpan nochi[n]” (Romanos 5:12).
Miak taman kichiua maj titajyouikan. Kemansa porin amo kuali titaixpejpenaj oso porin amo kuali taixpejpenaj oksekin. Uan no, titajyouiaj porin kemansa tietokej kampa amo monekia uan mochiua teisa tein amo momattoya (xikonita Eclesiastés 9:11).
MAJ OKACHI TIMOMACHTIKAN
Maj tikitakan keyej amo uelis tiktajtakoltiskej Dios maj onka tajyouilis uan maj mochiua tein amo kuali itech taltikpak, uan keniuj momachilia keman kiita ke titajyouiaj.
4. Akoni itajtakol maj titajyouikan
Miakej kinemiliaj ke Dios taixyekana nikan taltikpak. Sayoj ke, ¿yekmelauj nejon? Xikitakan VIDEO.
Xikitakan Santiago 1:13 uan 1 Juan 5:19, uan ika xitajtokan nejin:
¿Itajtakol Dios maj onka tajyouilis uan tein amo kuali?
5. Tein mochiuani porin Satanás taixyekana
Xikitakan Génesis 3:1-6 uan ika xitajtokan nejin:
¿Keniuj takajkayauak Satanás? (Xikitakan versículos 4 uan 5).
¿Keniuj kijtoj Satanás ke Jiova amo kikaujtoya maj kipiakan tein kuali Adán uan Eva?
Ijkon kemej kijtoj Satanás, ¿moneki techixyekanas Dios para tiyolpakiskej?
Xikitakan Eclesiastés 8:9 uan ika xitajtokan nejin:
¿Toni panoua itech taltikpak porin Jiova amo taixyekantok?
Adán uan Eva amo katkaj tajtakolejkej uan nemiaj itech xochital, sayoj ke kitajtolkakkej Satanás uan kiixnamikkej Jiova.
Tajtakol, tajyouilis uan mikilis momoyauak itech nochi taltikpak keman taixnamikkej.
Jiova kiixpolos tajtakol, tajyouilis uan mikilis. Amo akin yeski tajtakolej uan nemiskej itech xochital.
6. Jiova moyolkokoua keman kiita ke titajyouiaj
¿Teisa kimachilia Dios keman titajyouiaj? Xikonita tein tekiuaj David uan tatitanil Pedro kijkuilojkej. Xikitakan Salmo 31:7 uan 1 Pedro 5:7, uan ika xitajtokan nejin:
¿Keniuj tionmomachilia tikonmatis ke Jiova kiyolkokoua kiitas ke titajyouiaj?
7. Dios kiixpolos nochi tein techtajyouiltia
Xikitakan Isaías 65:17 uan Apocalipsis 21:3, 4, uan ika xitajtokan nejin:
Jiova kijtoua ke kiixpolos nochi tein amo kuali tein techtajyouiltiani, ¿mitsonyolseuia tein kichiuas? ¿Keyej?
¿Tikonmatia?
Satanás kitakajkayauilij Jiova keman yekinika takajkayauak. Nejin kichiuak maj amo kuali kiitakan Dios kemej taixyekankej, porin kijtouilij ke amo yolmelauak nion yolkuali. Amo uejkaua, keman Dios kiixpolos tajyouilis kinextis ke sayoj kitakajkayauilijkej uan kinextis ke yejuatsin okachi kuali taixyekana. Maj mochipaua itokay Jiova yejua tein okachi moneki itech nochi tein onkak (Mateo 6:9, 10).
TEIN SEKIN KIJTOUAJ: “Dios techtajyouiltia para kiitas ox titaxikouaj”.
¿Toni tikonijtoskia tejuatsin?
TEIN TIKITAKEJ
Inintajtakol Satanás, Adán uan Eva maj onka tein amo kuali itech taltikpak. Jiova kiyolkokoua kiitas ke titajyouiaj uan amo uejkaua kiixpolos tajyouilis.
Maj tikelnamikikan
¿Keniuj Satanás kikajkayauak Eva?
¿Keniuj techijtakoua maj Adán uan Eva taixnamikinij?
¿Keyej tikijtouaj ke Jiova kiyolkokoua kiitas ke titajyouiaj?
NO XIKONITA NEJIN
Xikonita keniuj Biblia kimelaua tein kijtosneki tajtakol.
Xikonita toni okachi kijtoj Satanás itech xochital Edén.
“¿Por qué permite Dios el sufrimiento?” (La Atalaya, 1 de enero de 2014)
Xikonita keniuj techyolseuia itanankilil se netajtanil tein ouij.
“¿Por qué sucedió el Holocausto judío? ¿Por qué Dios no lo impidió?” (Artículo de jw.org)
Xikonita tein momachtij se takat akin semi tajyouij.