TAMACHTILIS 39
¿Keniuj kiita Dios esti?
Esti semi moneki porin komo amo tikpiaskiaj amo ueliskia tiyoltoskej. Kemej Dios techchijchiuak, sayoj yejuatsin kinamiki techiluis keniuj moneki tikuiskej. ¿Toni kijtoua yejuatsin ika esti? ¿Uelis tikuaskej esti oso uelis techtaliliskej? ¿Uan toni uelis mitsonpaleuis xikonmati toni tikonchiuas?
1. ¿Keniuj Jiova kiita esti?
Ne uejkauj, Jiova kiniluij itekitikauan: “Inemilis nochi taman tein yoltok yejua iesyo” (Levítico 17:14). Iixpan Jiova, esti kiixnextia tonemilis. Tonemilis techtayokolijtok Dios yejua ika semi kipia ipatiuj uan esti no kipia ipatiuj.
2. ¿Keniuj kijtoua Dios maj amo tikuikan esti?
Achto ke ualaskia Cristo, Jiova kinnauatij itekitikauan maj amo kikuakan esti (xikonita Génesis 9:4 uan Levítico 17:10). Uan satepan ke ualajka Cristo, Jiova oksepa tanauatij nejon inintechkopa Oloch Taojtokaltianij, seki tatitanilmej uan tayekananij akin kiixyekanayaj nechikol, yejuan kinnauatijkej tokniuan: “Xikixtopeuakan [...,] esti” (xikonita Hechos 15:28, 29).
¿Toni kijtosneki tikixtopeuaskej esti? Komo tapajtijkej mitsoniluiskia xikonixtopeua tayil tein teuintij, tejuatsin amo tiontayiskia, ¿melauj? Sayoj ke, ¿tikonkuaskia teisa tein kipia tayil oso tionmotaliliskia itech taluamej? Amo. No ijkon panoua keman technauatiaj maj tikixtopeuakan esti. Tiktakamatiskej Dios kijtosneki amo tikuaskej oso titayiskej esti, nion tikuaskej nakat tein amo kieskixtijkej. Amo no moneki tikuaskej teisa tein kitalilijkej esti.
¿Uan komo moneki kikuiskej esti keman techpajtiaj? Miak taman tein mokui keman techpajtiaj senkis kitapanauiliaj itanauatiluan Dios, kemej keman tetaliliaj esti tein ajsitok oso semej naui taman tein kipia: glóbulos rojos, glóbulos blancos, plaquetas uan plasma. Sayoj ke, itech seki taman tapajtilis amo senkis moita ox amo tiktakamatij itanauatiluan Dios, kemej keman moneki kikuiskej fracciones tein kikixtiliaj semej naui taman tein kipia esti. Kemansa akin mokokoua kitaliliaj yejua iesyo. Keman tikitaj tataman tapajtilis tein onkak, tisejsemej tikixtaliaj tein tikseliskej (Gálatas 6:5).a
MAJ OKACHI TIMOMACHTIKAN
Maj tikitakan keniuj uelis tikixpejpenaskej kemej timopajtiskej.
3. Xiontaixpejpena kemej Jiova kiyolpaktis
¿Keniuj uelis tiontaixpejpenas kemej tikonnextis ke no tikonita esti kemej Dios kiita? Xikitakan VIDEO uan ika xitajtokan keyej semi moneki maj tikchiuakan sejse taman tein nikan ijkuiliujtok:
Xiontajtani tamatilis itech netataujtil (Santiago 1:5).
Xikontemo tein kijtoua Biblia uan xikonita keniuj tikonchiuas tein kijtoua (Proverbios 13:16).
Xikonita katiyejua tapajtilis onkak kampa tionnemi.
Xikonita katiyejua tapajtilis amo tikonselis.
Kuali xiontaixpejpena kemej amo mitsonkuejmolos motanemilil (Hechos 24:16).b
Xikonelnamiki ke amo akin, nion motakauj, mosiuatsin, nion se tayekankej, oso akin mitsonmachtia, uelis mitsoniluis toni tikonchiuas keman monekis tejuatsin tiontaixpejpenas (Romanos 14:12).
Xikonijkuilo tein tikonixpejpenak.
4. Tiitaixpantijkauan Jiova tiktemouaj kuali tapajtilis
Tiktakamatiskej tein Dios tanauatia ika esti amo kijtosneki ke amo tiktemoskej kuali tapajtilis. Xikitakan VIDEO.
Xikitakan Tito 3:2 uan ika xitajtokan nejin:
¿Keyej moneki titapoujkaitaskej uan amo tikualaniskej keman titajtoskej iniuan tapajtianij?
Amo tikseliaj |
Tisejsemej tikixpejpenaj |
|---|---|
A. Plasma itech esti. |
Fracciones tein mokixtiaj itech plasma |
B. Glóbulos blancos. |
Fracciones tein mokixtiaj itech glóbulos blancos |
C. Plaquetas. |
Fracciones tein mokixtiaj itech plaquetas |
D. Glóbulos rojos. |
Fracciones tein mokixtiaj itech glóbulos rojos |
5. Fracciones tein kipia esti
Esti moxeloua itech naui taman: glóbulos rojos, glóbulos blancos, plaquetas uan plasma. Uan sejse kipia okseki taman tein okachi tsikitsitsin, tein moixmatij kemej fracciones tein kipia esti.c Seki fracciones mokuij itech pajti oso tapaleuiaj maj aksa amo eskisaok.
Keman sayoj se fracción tein kipia esti, sejse itekitikauj Dios kiixtalis tein kichiuas ika tein momachtijya itech Biblia. Sekin xa amo kiseliskej se taman tapajtilis kampa mokui fracciones tein kipia esti uan oksekin xa kemaj kiseliskej.
Keman tikonixtalis tein tikonchiuas, xionmochiuili nejin netajtanil:
¿Keniuj nikmelauiliskia tapajtijkej keyej nikixtopeua oso nikselia seki fracciones tein kipia esti?
TEIN SEKIN UELIS MITSONTAJTANISKEJ: “¿Keyej amo kuali yetok maj tetalilikan esti?”.
¿Toni tikonnemilia?
TEIN TIKITAKEJ
Jiova kineki maj kuali tikuikan esti.
Maj tikelnamikikan
¿Keyej Jiova kiita ke esti semi kipia ipatiuj?
¿Keyej tikmatij ke keman Dios tanauatij maj tikixtopeuakan esti no kijtosneki maj amo techtalilikan?
¿Toni mitsonpaleuis kuali xikonixpejpena keniuj mokuis esti itech tapajtilis?
NO XIKONITA NEJIN
Achto ke tikonixtalis keniuj mokuis moesyo itech tapajtilis, ¿toni monekiskia tikonmatis?
“Preguntas de los lectores” (La Atalaya, 15 de octubre de 2000)
Achto ke tikonixpejpenas ox tikonselis fracciones tein kipia esti, ¿toni moneki tikonitas?
“Preguntas de los lectores” (La Atalaya, 15 de junio de 2004)
¿Toni kichiuak maj se tapajtijkej kineltoka ke taixejekol kemej Jiova kiita esti?
“Acepté el criterio divino sobre la sangre” (¡Despertad!, 8 de diciembre de 2003)
Xikonita keniuj Tayekananij akin Tetajtouiaj itech Tapajtiloyamej kinpaleuiaj tokniuan.
a Xikonita tamachtilis 35, “Keniuj kuali titaixpejpenaskej”.
b Xikonita punto 5 “Fracciones tein kipia esti”; uan Nuestro Ministerio del Reino de noviembre de 2006, páginas 3-6; uan nota 3 “Kemej mokui esti itech tapajtilis”.
c Seki tapajtianij kiitaj naui taman kemej moxeloua esti sayoj kemej fracciones, yejua ika xa monekis tikonmelauilis tapajtijkej keyej amo tikonneki maj mitsontalilikan esti tein ajsitok oso glóbulos rojos, glóbulos blancos, plaquetas oso plasma.