¿Keyej moneki tikonitas tein kijtoua Biblia?

Biblia yejua amatajkuilol tein okachi moixmati noyampa taltikpak. ¿Keyej? Se taman, porin se kiajsikamati tein kinpanok taltikpakneminij tein ompa ixnesij uan kinextia keniuj mouikakej se iuan okse uan no iuan Dios. Tein techtapouia techmachtia tein uelis techpaleuis. Teyekiluia tein moneki uan kikui tajtolmej tein amo ouij uan tein uelis mokepas itech miak tataman tajtolmej. Nejon tapaleuia maj kiajsikamatikan taltikpakneminij akin nemij kampa yeski uan keman yeski. Uan tein tayolmajxitia nochipa tapaleuia.

Uan tein okachi moneki, Biblia amo sayoj kijtoua ke se amatajkuilol tein ika tajtoua Dios ta no kinextia ke ualeua imako Dios. Techmatiltia itokay Dios, keniuj tamati uan keyej kichijchiuak taltikpak uan taltikpakneminij, uan nejon itanejnekilis amo keman mopata. No techiluia keniuj ijkon kemej panouanij xiujmej, Jiova kichiuani tein ika kiixnamiki ne iluikak uan nikan taltikpak tein amo kuali ika tein kuali, uan tamiti ika se taman tein semi teyolpaktia. Komo tikixtajtoltiaj Biblia ika se kuali tanemilil techpaleuis maj tikpiakan takuaujtamatilis uan nechialis.

Itech Biblia tikajsij miak tamachtilis tein amo moajsi okseko. Kemej neskayot, techmachtia tein melauak itech nejin taman:

• Kani tiualeuaj uan keyej titajyouiaj

• Keniuj kiixtalij Dios techmakixtis

• Toni kichiuak Jesús tein ika techpaleuia

• Toni panos satepan nikan taltikpak uan keniuj nemiskej taltikpakneminij

Xikonita okseki tamachtilis uan ijkon uelis tikonmatis tein Biblia ika tajtoua.