TAMACHTILISMEJ TEIN TIKITASKEJ

Dios akin amo tikitaj kichijchiuak nochi tein onkak. ¿Tikonyekneltoka nejon? Miakej amo kineltokaj. ¿Keniuj uelis tikinpaleuiskej maj kiixmatikan Dios akin tachijchiuak uan no maj tejuan tikchikauakan totakuaujtamatilis iuan? Tikitaskej itech nejin tamachtilis.

Biblia kijtoua ke akin kichiuaj kemej Cristo moneki kitekitiliskej Jiova kemej takeualmej. Nejin tamachtilis kimelaua se taman tein Tanauatil tein kiselij Moisés kiniluiaya takeualmej ke ueliskiaj kichiuaskej. No techmachtia toni techpaleuis maj amo timochiuakan itakeualuan Satanás nion tein kiixyekana nikan taltikpak uan keniuj techpaleuia komo tiksentokaj tiktekitiliaj Dios.

Komo mojmostaj titanemiliaj itech iTajtol Dios, tikchiuaskej netataujtil ika nochi toyolo. Yejua nejon technextilis yekinika tamachtilis: netataujtil tein levitas kichiujkej itokaykopa nochi xolal. Ojpatika techmachtis keniuj tikchiuaskej kemej Jesús tajtanik itech semej inetataujtiluan tein kichiuak ika okachi netasojtalis. Nochi ome netataujtilmej techmachtis ke moneki tiktayekanaltiskej itanejnekilis Jiova uan satepan tein tejuan tiknejnekij.