Dios nochin kinmatiltia tein tel kuali

Keman Jesús moajokuik, imomachtijkauan kipiakej takuaujtamatilis uan yolchikaualis. Kemej neskayot, Pablo yajtinemik itech nochi Asia Menor uan Mediterráneo uan ompa kipeualtiaya nechikolmej uan kinyolchikauaya itatojtokakauan Cristo maj kisentokanij chipaujkanemikan uan maj taxikokan keman kintajyouiltiayaj. Nejon tapaleuij maj kisentokanij momiakilianij itatojtokakauan Cristo.

Satepan Pablo kitsakkej. Maski ijkon, kijkuiloj tataman amat tein ika kinyolchikauak uan kinyolmajxitij taneltokanij. No tanejmachtij ke moajsiskiaj tamachtianij takajkayauanij akin semi taijtakoskiaj. Iespíritu Dios kiolinij Pablo maj kijtouani ke sekin yeskiaj “keme tekuanime”, uan tamachtiskiaj ika “xolopijyot” uan ijkon kichiuaskiaj maj kintojtokanij (Hechos 20:29, 30).

Itamian yekinika siglo nesikoj tamachtianij takajkayauanij. Itech nejon xiujmej, Jesús akin oksepa nemia ne iluikak, kiitaltij tatitanil Juan tein mochiuaskia satepan. Tein Juan kijkuiloj kinextia ke nion taixnamikinij uan nion tamachtianij takajkayauanij uelis kitsakuiliskej maj senkis mochiua itanejnekilis tein kipialia taltikpak uan taltikpakneminij. “Nochi in taltikpakyetoni” uan “nochi tataman tagayot ten tajtoaj ika tataman tajtolis” kikakiskiaj nochi tein kuali tein kichiujtok iTekiuajyo Dios (Apocalipsis 14:6). Oksepa mochiuas se xochital nikan taltikpak uan akin kinekis kichiuas itanejnekilis Dios uelis ompa nemis.

¿Tikonkaki ke semi kuali nejon? Komo ijkon, xikonsentoka xionmomachti tein Dios techiluia itech Biblia uan xikonita keniuj uelis mitsonpaleuis axkan uan satepan.

Uelis tikonixtajtoltis Biblia itech www.jw.org/ncj. Ompa no uelis tikonitas amatajkuilol Biblia, ¿toni ika tajtoua?, Kuali tanauatilmej tein Dios kitemaka uan ¿Toni yekmelauj tamachtia Biblia? uan oksekiok tein kimelaua keyej uelis titakuaujtamatiskej itech Biblia uan keniuj uelis tikchiuaskej tein techyolmajxitia iniuan tochankauan uan tosejselti. Oso xikontajtani se itaixpantijkauj Jiova okseki tamachtilis.

(Mokixtia itech Hechos, Efesios, Filipenses, Colosenses, Filemón, 1 Juan uan Apocalipsis.)