NETAJTANILMEJ TEIN KISAJ ITECH BIBLIA
¿Akonimej youij iluikak uan keyej?
Tel miakej kichiaj yaskej iluikak keman momikiliskej. Jesús kijtoj ke itatitaniluan akin amo kikaujkej nemiskiaj ompa. Achto ke momikiliskia, motenkauak ke tachijchiuaskia kampa ueliskiaj yetoskej iuan toTajtsin. (Xikonixtajtolti Juan 14:2.)
¿Keyej moajokuiskej sekin taltikpakneminij ne iluikak? ¿Toni kichiuaskej ompa? Jesús kiniluij itatitaniluan ke yeskiaj tekiuanij akin taixyekanaskiaj itech taltikpak. (Xikonixtajtolti Lucas 22:28-30 uan Apocalipsis [Revelación] 5:10.)
¿Yekmelauj nochin akin yolkualmej youij iluikak?
Ijkon kemej itech se ueyi altepet sayoj sekin taixyekanaj, no ualtaixyekanaskej nikan taltikpak sayoj sekin taltikpakneminij akin Jesús kinixpejpena maj moajokuikan ne iluikak (Lucas 12:32). Biblia kijtoua kanachimej. (Xikonixtajtolti Apocalipsis 14:1.)
Jesús tachijchiuak ne iluikak kampa moajsiskej itatojtokakauan. ¿Toni kichiuaskej ompa?
Maski sayoj yejuan youij iluikak, amo sayoj yejuan kichiaj kiseliskej tein tel kuali. Akin kitakamatiskej itekiuajyo Jesús uelis nemiskej nochipaya itech se xochital nikan taltikpak (Juan 3:16). Sekin makisaskej keman ixpoliuis tein amo kuali nikan taltikpak uan oksekin moajokuiskej ompa. (Xikonixtajtolti Salmo 37:29 uan Juan 5:28, 29.)