NETAJTANILMEJ TEIN KISAJ ITECH BIBLIA
¿Keyej mokepa Cristo?
Achto ke Jesucristo yaskia iluikak, motenkauak ke mokepaskia. Kijtoj ke yejua katka kemej se ueyichiujkej akin tel uejka yajki uan satepan keman panok miak xiujmej, mokepak ika ueyi tanauatil kemej tekiuaj. Yejua ika, Cristo mokepa porin kineki kinixyekanas taltikpakneminij ika melaujkayot. (Xikonixtajtolti Lucas 19:11, 12.)
Jesús kinixyekanas taltikpakneminij ika melaujkayot
¿Keniuj mokepa Cristo? Satepan ke kimiktijkej, Dios kimakak nemilis kemej se espíritu (1 Pedro 3:18). Yajki iluikak uan motalij iyekmakopa Jiova (Salmo 110:1). Satepan Jiova, “Akin xiuejya itech Tonalmej”, kiixtalij maj kinixyekana taltikpakneminij. Kemej tikitaj, Jesús amo mokepa kemej takat, ta kemej se tekiuaj akin amo moita. (Xikonixtajtolti Daniel 7:13, 14.)
¿Toni kichiuas Jesús keman mokepas?
Jesús mokepas iniuan ángeles akin amo moitaj uan ijkon kijtos toni kinnamiki kiseliskej taltikpakneminij. Kinixpolos akin amo yolkualmej, uan kinmakas nemilis nochipaya akin mokauaskej maj kinixyekana. (Xikonixtajtolti Mateo 25:31-33, 46.)
Uan no, kichiuas se xochital nikan taltikpak uan oksepa kinmakas nemilis akin momikilijkejya, uan nemiskej itech nejon xochital. (Xikonixtajtolti Juan 11:25.)