NETAJTANILMEJ TEIN KISAJ ITECH BIBLIA
¿Toni kichiuas Jesús amo uejkaua?
Itech xiuit 33 achto itech totonaluan, Jesús momikilij, moajokuik uan oksepa yajki iluikak. Miak xiujmej satepan, kiixtalijkej kemej tekiuaj (Daniel 7:13, 14). Amo uejkaua, kichiuas maj onka yolseuilis nikan taltikpak uan kitamis tatasojtilis. (Xikonixtajtolti Salmo 72:7, 8, 13.)
Keman Jesús taixyekantos kitamis teikamauiltilis nikan taltikpak
Jesús kichiuas uejueyi taman tein kualtsitsin keman taixyekanas nikan taltikpak. Kikuis chikaualis tein iPopaj kimakak uan ijkon kinajchiuilis tajtakol nochin taltikpakneminij. Nochin nemiskej ika yolpakilis nikan taltikpak, amo ueuentsintiaskej nion momikiliskej. (Xikonixtajtolti Juan 5:26-29 uan 1 Corintios 15:25, 26.)
¿Toni kichiujtok Jesús axkan?
Kiixyekantok tanojnotsalis tein kichiujtokej itatojtokakauan noyampa taltikpak. Yejuan kinkalpanouaj taltikpakneminij uan ijkon kinmachtiaj tein Biblia kijtoua ke kichiuas iTekiuajyo Dios. Jesús kijtoj ke kinpaleuiskia imomachtijkauan itech nejin tekit hasta keman iTekiuajyo Dios kinixpolos tekiuajyomej tein moajsij nikan taltikpak. (Xikonixtajtolti Mateo 24:14 uan 28:19, 20.)
Ika nechikol kampa moajsij akin kichiuaj kemej Cristo, Jesús kinmachtia taltikpakneminij keniuj okachi kuali nemiskej. No kisentokas kinixyekanas keman ixpoliuis nochi tein mochiujtok nikan taltikpak uan itech Xochital tein Dios motenkaua kichiuas. (Xikonixtajtolti 2 Pedro 3:7, 13 uan Apocalipsis [Revelación] 7:17.)