Xionmomachti okseki taman tein amo tikonmatia

Keman peuas timomachtiskej, xa uelis timotajtaniskej: “¿Toni nikneki nikmatis?”. Maski tiknemiliskej timomachtiskej teisa, xa tikajsiskej seki taman tein Jehová kineki techmachtis. ¿Keniuj uelis tikmatiskej toni kineki techmachtis?

Xikontajtani Jehová maj mitsonpaleui xikonajsikamati okseki taman. Maski tikonmattokya seki taman, amo ijkon xionmokaua (Prov. 3:​5, 6). Xikontajtani Jehová maj mitsonpaleui xikonita toni kineki mitsonmachtis (Sant. 1:5).

Xikonkaua maj ichikaualis iTajtol Dios mitsonpaleui. “Itajtol Dios yoltok” (Heb. 4:12). Nochipa keman tikixtajtoltiaj Biblia techmachtia seki taman tein amo tikmatiaj, uan miak taman kemej uelis techpaleuis. Uan sayoj uelis tikajsikamatiskej komo tikitaj ke moneki timomachtiskej tein Jehová kineki maj tikchiuakan.

Xikontasojkamati nochi tein Jehová techmaka para techmachtis. Nochi tamachtilis tein Jehová techmaka tamati kemej se takualis tein semi uelik (Is. 25:6). Xionmomachti nochi tamachtilismej maski sekin amo semi mitsonyolnotsaj. Komo ijkon tikonchiua, tionmokauas maj Dios mitsonpaleui uan no tionyolpakis keman tionmomachtis.