¿Keniuj uelis okachi kuali tionmomachtis?

¿Toni uelis tikonchiuas para okachi kuali tionmomachtis? Tein nikan kijtoua uelis mitsonpaleuis.

• Xikontemo kani uelis kuali tionmomachtis. Komo ueli, xikontemo tionmomachtis kampa tachipaujkan uan kampa kualtsin tanestos. Uelis tionmomachtis itech se mesa oso kalampa kampa okachi tikonuelitas.

• Xikontemo kampa uelis tionyetos moselti. Jesús kiixtalij motataujtis “semi kualkan” uan “kampa taseltijkan” (Mar. 1:35). Komo amo keman ueli tionyetok moselti, xikonilui mochankauan oso akin iniuan tionnemi kemanian tikonneki tionmomachtis uan xikonilui maj amo mitsonkuejsokan.

• Xikonita maj amo teyi mitsontapololti. Komo tikonkui mocelular oso motableta para tionmomachtis, xikontali maj amo kakisti nion maj ueli mitsonnotsakan para maj nion teyi mitsontapololti. Uan komo keman tionmomachtijtok tikonelnamiki teisa tein moneki tikonchiuas, xikonijkuilo para tikonchiuas satepan. Komo amo ueli kuali tiontanemilia keman tionmomachtijtok, xionmoketsa para tionnenemis oso tionmomejmelauas.