5
Tlen techiluia Biblia
San ye Jehová kinamiki tlanauatis. Ye akin okachi kuali tlanauatia. Ye kineki kichiuas itlaj pampa Tlaltikpak uan tlaltikpaktlakamej, uan melauak kichiuas.
Satepan itech xiuitl 4026 a.i.x. 1 “Koatl” kijtoa Jehová amo kinamiki tlanauatis uan kijtoa amo kuali tlanauatia. Jehová kijtoa se ‘ikone’ noso se “iixui” satepan kixajxamanis itsonteko “koatl” noso Satanás (Génesis 3:1-5, 15; nota). Itech seki kauitl, Jehová kitekauilia tlaltikpaktlakamej ma monauatikan ika itlayekanalis Satanás. |
1943 a.i.x. 1 Jehová kiluia Abrahán se “iixui” yetos ‘ikone’ (Génesis 22:18). |
Satepan itech xiuitl 1070 a.i.x. 1 Jehová kiluia ueyi tekiua David uan satepan noijki Salomón, ‘ikone’ kisas itech ikalchanejke (2 Samuel 7:12, 16; 1 Reyes 9:3-5; Isaías 9:6, 7). |
Xiuitl 29 Jehová kitematiltia ye Jesús ‘ikone’ uan ye akin yetos ueyi tekiua itech itrono David (Gálatas 3:16; Lucas 1:31-33; 3:21, 22). |
Xiuitl 33 “Koatl” kichiua ma kimiktikan Jesús, uan ijkon kikokoa seki kauitl ‘tekone’ tlen omoijto ualaskia. Jehová kiyolitia Jesús, kichiua ma mokuepa iluikak uan kiselia iyolilis tlen amo kipia tlajtlakoli tlen okitemakak. Ik non, ueli kintlapojpoluia tlaltikpaktlakamej uan nochtin ikoneuan Adán uelis kipiaskej yolilistli tlen amo keman tlamis (Génesis 3:15; Hechos 2:32-36; 1 Corintios 15:21, 22). |
Kanaj itech xiuitl 1914 Jesús kiualtlamotla “koatl” uan kichiualtia nikan ma mokaua seki kauitl (Apocalipsis 12:7-9, 12). |
Satepan Jesús kitsakua Satanás 1,000 xiuitl uan kiixpoloa. Ijkon ken kixaxamaniliskia itsonteko. Ijkuakon mochiuas tlen Jehová nochipa kineki kichiuas pampa Tlaltikpak uan tlaltikpaktlakamej. Itoka toTajtsin Dios chipauak yetos, ayakmo ikaj kisokiotis, uan noijki moteititis san ye akin melauak kuali tlanauatia (Apocalipsis 20:1-3, 10; 21:3, 4). |