Nikan peua sección 14

Akinmej opejkej kichiuaj ken Cristo okitematiltijkej iTekiuajkayo toTajtsin Dios itech nochi Tlaltikpak. Jesús okinyekanki uan ijkon yejuan okimatkej kanin tetlapouiskiaj. Noijki, ika milagros Jesús okinmachti ken tetlapouiskiaj ika tlatlamantli tlajtolmej. Jehová okinyolchika uan okinmakak chikaualistli ijkuak okintlajyouiltiayaj.

Jesús okinextili tlatitlanil Juan iueyilis Jehová. Noijki, Jesús okinextili Juan ken iTekiuajkayo toTajtsin Dios kitlanilis Satanás uan kipojpolos nochi tlen ye kinauatia. Juan okitak Jesús otlanauatiaya iuan 144,000 (ciento cuarenta y cuatro mil). Noijki okitak Tlaltikpak omokuepaya se xochitlali uan nochtin san sekan okiueyichiuayaj Jehová ika yolseuilistli.