Itech marzo 22 peuas tikinyoleuaskej pampa tikilnamikiskej iCena toTeko
Itech sábado 22, metstli marzo peuas tikinyoleuaskej oksekimej ma kilnamikikan iCena toTeko. Nochtin uelis titlapaleuiskej. Sábado uan domingo noijki uelis tikintemakaskej revistas. Itech achto sábado tlen kipia abril timochijchikauaskej pampa tikinyoleuaskej uan amo pampa tikinpeualtiskej tlamachtilmej ika Biblia. Maski ijkon, tla tikajsij akin kineki momachtis, ma tikpeualtikan tlamachtil. Akin kiyekana tetlapouilistli techiluis ken motemakaskej ninmej amatsitsintin, tla titetlapouiskej kanin nemij miakej pampa ijkon tikinyoleuaskej nochtin. Xikijkuilo itech se amatl akinmej uelis tikinyoleuas: mokalchanejkauan, akin iuan titekiti, akinmej iuan timomachtia, akinmej tikinmachtia ika Biblia uan oksekimej akinmej tikinmixmati, uan xikinmaka se amatsintli ijkuak peuas nin tekitl. Tikchiaj miakej ma monechikokan touan pampa tikilnamikiskej ome tlamantli tlen miak ipati tlen kiteititiaj melauak techtlasojtlaj (Juan 3:16; 15:13).