Ma tiktekitiltikan jw.org ijkuak titetlapouiaj: “Kuali ximouika iuan Jehová”

Itech jw.org/ncx, kanin kijtoa “Amatlajkuilolmej” katej seki videos pampa konemej tlen itoka “Kuali ximouika iuan Jehová”. (Ika español, itech nin sección katej videos, tlakuikalmej uan okseki tlamantli tlen uelis kichiuaskej.) ¿Yotikintekitilti ijkuak titetlapouia? Tla tikinmachtia tetajmej tlen kinpiaj inkoneuan, uelis tikinmititis seki videos. Non kichiuas akinmej tikinmachtia ma kitakan okseki tlamantli tlen kajki itech jw.org.

Ijkuak se tokni okimakak amatsintli se siuatl, tlen kinpia ikoneuan, Kuali tlajtolmej itech Tekiuajkayotl número 38, ye san niman opejki kitlajtoltia. Ikoneuan noijki okinekiayaj kimatiskej tlen kijtoa non amatsintli. Tokni okinyekilui tlen kijtoa amatsintli uan okinmititi kanin ijkuilitok página kanin uelis kalakis. Pampa non siuatl uan ikoneuan okinekiayaj okachi kimatiskej, tokni okinnextili se video de Caleb itech icelular.

Ijkuak se tokni siuatl okitlapoui se siuatl tlen iuan tekiti, okilui itech jw.org uelis kitas seki tlamantli pampa ikalchanejkauan, non siuatl san niman okitak nin página iuan ikoneuan. Satepan, okijto ikoneuan otlakuikatinemiayaj tlakuikali tlen itoka “Predica la palabra”, (nin kajki ika español), tlen kajki itech sección “Kuali ximouika iuan Jehová”.

Ik non, ximochijchikaua pampa kuali tikixmatis tlen kajki itech jw.org uan xikinkixti videos, tlakuikalmej, noso okseki tlamantli tlen uelis kichiuaskej. Tla ijkon tikchiua, kuali tiktekitiltis jw.org ijkuak titetlapouia. ¡Sapanoa techpaleuia nin tlamantli pampa tiktekichiuiliskej Jehová ken tlakeualmej! (Hech. 20:19.)