Ma tiktekitiltikan jw.org ijkuak titetlapouiaj: “Tlajtlanilmej itech Biblia”

Itech jw.org, kanin kijtoa “Enseñanzas bíblicas” (Tlen tlamachtia Biblia), kajki se sección tlen itoka “Preguntas sobre la Biblia” (Tlajtlanilmej itech Biblia). Tikmatiskej tlen tlamachtia okachi techpaleuis ijkuak titetlapouiaj, pampa tla ikaj techtlajtlania itlaj tlen monankilia itech nin sección, uelis tikititiskej nin página uan ijkon tiknankiliskej. Noijki uelis tiktekitiltiskej ninmej tlajtlanilmej pampa tipeuaskej timotlapouiskej iuan ikaj. Se neskayotl, uelis tikpejpenaskej se tlajtlanilistli tlen ma kipatioita, tiktlajtlaniskej tlen mokuayejyekoa uan ika jw.org tikyekiluiskej tlen kijtoa Biblia. Satepan uelis tikiluiskej otikajsikej non tlamantli itech jw.org uan tikititiskej página. Noso uelis tikititiskej página pampa ma kitlajtolti itlanankilis. Isiua se tokni tlen kintlajpaloa tlanechikolmej kuali tetlapouia ika nin, san kijtoa: “Miakej tlaltikpaktlakamej motlajtlaniaj kox itlajtlakol toTajtsin Dios ma titlajyouikan. ¿Mitspaktiskia tikmatis itlanankilis? Amo uejkauas”. Uan kitlalia ma kikaki non tlamachtil, tlen okikixti itech jw.org uan kipia itech iteléfono, saiktlami kititia tlamachtil 11 itech amochtli Tlamachtia Biblia.