Ma tiktekitiltikan jw.org ijkuak titetlapouiaj

Página tlen tikpiaj itech Internet sapanoa techpaleuia pampa titetlapouiskej kuali tlajtolmej “itech nochi n tlaltíkpaktli” (Hech. 1:8). Pero miakej tlaltikpaktlakamej ayamo kixmatij. Kixmatij nin página ijkuak se tokni akin tetlapouia kinmiluia noso kinnextilia.

Se tokni tlen kintlajpaloa tlanechikolmej kipia nin video itech icelular ¿Tleka moneki timomachtis Biblia? uan kinnextilia tlaltikpaktlakamej ijkuak ueli. Se neskayotl, ijkuak tetlapouia inkalijtik tlaltikpaktlakamej, kinmiluia: “Nikintlajpalojtok tlaltikpaktlakamej pampa nikinpaleuis ma kimatikan intlanankilis ninmej eyi tlajtlanilmej tlen miak inpati: ¿Tleka onka miak ouijkayotl ipan Tlaltikpak? ¿Ken tlayektlalis toTajtsin Dios? uan ¿Tlen uelis tikchiuaskej axkan? Nin video tlen amo uejkaua technankilia”. San niman kinextilia uan mochia tlen kijtos tlaltikpaktlakatl. Pampa nin video sapanoa kinyoltilana miakej tlaltikpaktlakamej, nochtin mokauaj kistlakojtokej hasta ijkuak tlami. Satepan, tokni kijtoa: “Ijkon ken yotikak, uelis tiktlajtlanis se tlamachtil ika biblia tlen amo tiktlaxtlauas itech jw.org. Pero pampa nikan yinika, uelis nimitsititis ken mochiua”. Uan tla tlaltikpaktlakatl kineki, tokni kinextilia ken mochiua se tlamachtil ika Biblia ika amatlajkuilol Kuali tlajtolmej. Uan tla amo majxilia, kiluia kinextilis ijkuak oksepa kitlajpaloti. Noso ijkuak yaui itech se cafetería, peua motlapouia iuan akin ompa kajki uan noijki ijkon kiluia. ¿Uan tejuatsin? ¿Tiktekitiltijtok jw.org ijkuak titetlapouia?