ToTajtsin Dios uelis nochipa mitsteochiuas

ToTajtsin Dios okilui Abrahán nochtin kinteochiuaskia porque tlapaleuiskia se ixui (Génesis 22:18). ¿Akin yetoskia?

Yikipia kanaj dos mil xiuitl toTajtsin Dios okipaleui Jesús ma kinchiua milagros. Nonmej milagros okiteititijkej tlen toTajtsin Dios okilui Abrahán. Jesús tlapaleuiskia uan ijkon kinteochiuaskia nochtin altepemej porque ye okatka ixui Abrahán (Gálatas 3:14).

Miakej okitakej Jesús okinchiuaya milagros, ijkon okimatkej toTajtsin Dios okipejpenki Jesús para ma techteochiua. Nonmej milagros noijki okiteititijkej toTajtsin Dios kitlaliskia Jesús nochipa ma techteochiua. Jesús okiteititi okipiaya kualtsin iyelis ijkuak okinchi milagros. Ma tikitakan tleka ijkon tikijtouaj.

Okintlasojtlak akinmej omokokouayaj uan okinpajti.

Se tonal, se tlakatl tlen okipiaya lepra okilui Jesús kox okinekiaya kipajtis. Jesús okitelko uan okilui: “Ne nikmonekiltia” uan san niman oualpajtik (Marcos 1:40-42).

Okintlamakak akinmej oapismikiayaj.

Jesús amo okinekiaya ikaj ma apismiki. Kanaj keski uelta okimiaktili pan uan michimej uan ijkon miakej okintlamakak (Mateo 14:17-21; 15:32-38). Nochtin kuali otlakuajkej uan omoka miak tlakuali.

Oteiknomatki uan okinyoliti akinmej yoixpolikaj.

Ijkuak okitak oixpoliuik itelpoch se siuatl tlen ayakmo okipiaya inamik uan ayakmo okipiaya akin kimaluis, Jesús “okiknoma” uan okiyoliti itelpoch (Luc. 7:12-15).