ToTajtsin Dios kinteochiua akinmej kinpaleuiaj oksekimej

Miakej amo kipiaj tlen kikuaskej uan amo kipiaj kanin chantiskej. Oksekimej san moneki tikinyolchikauaskej. Ma tikinpaleuikan oksekimej uan toTajtsin Dios techteochiuas.

¿TLEN KIJTOUA ITLAJTOL TOTAJTSIN DIOS?

“Akin kipaleuia akin amitlaj kipia, kipaleuia Jehová uan ye kitlaxtlauis tlen kichiua” (PROVERBIOS 19:17).

¿KEN UELIS TIKINPALEUISKEJ OKSEKIMEJ?

Jesús okijto se tlakatl okiuitekej ichtekej uan yokimiktiskiaj (Lucas 10:29-37). Pero okipaleui se tlakatl tlen oualaya okse altepetl.

Non tlakatl amo san okipajti uan okipaleui. Noijki okiuikak kanin kimaluiskiaj.

¿Tlen techmachtia tlen okijto Jesús? Ye okinekiaya ma tikajsikamatikan moneki timochijchikauaskej tikinpaleuiskej oksekimej (Proverbios 14:31). ITlajtol toTajtsin Dios kijtoua ayakmo miak poliui uan ayakmo titlajyouiskej. Pero xamo timotlajtlaniaj keman ijkon panos. Okse tlamachtil techititis ken kineki techteochiuas toTajtsin Dios akin otechchijchi.