Para okachi kuali titetlapouiskej: kuali xikintekitilti tlajtlanilmej

¿TLEKA MIAK IPATI? Ijkon ken atl tlen kajki kanin sapanoa uejkatlan, uelis tikijtoskej ijkon tlen ikaj mokuayejyekoa. Ik non, tla kuali tikintekitiltiaj tlajtlanilmej tikmatiskej ken mokuayejyekoaj oksekimej (Prov. 20:5). Ijkuak tikintekitiltiaj tlajtlanilmej ken moneki, tikinpaleuiaj akinmej techkakij touan ma motlapouikan uan noijki tikmatij ken mokuayejyekoaj. Jesús kuali okintekitilti tlajtlanilmej ¿tlen techpaleuis ma tikchiuakan ken ye?

¿KEN TIKCHIUAS?

• Tlajtlanilmej para tikmatis ken mokuayejyekoa. Jesús okintekitilti seki tlajtlanilmej para kimatis tlen omokuayejyekoayaj imachtijkauan (Mat. 16:13-16; be-S pág. 238 párrs. 3-5). ¿Tlen tlajtlanilmej tikintekitiltis para tikmatis ken mokuayejyekoaj oksekimej?

• Tlajtlanilmej para kimatis tlen tlanankilis. Ijkuak Jesús okinekiaya kiyektlalis ken omokuayejyekoaya Pedro, okintekitilti tlajtlanilmej tlen okipaleuijkej kuali ma kipejpena tlen kinankilis (Mat. 17:24-26). ¿Tlen tlajtlanilmej uelis tikintekitiltis para ikaj tikpaleuis kuali ma kipejpena tlen tlanankilis?

• ijkuak tlanankilis xikyolchikaua. Jesús okiyolchika se escriba tlen “otlanankili kemi akin ixtlamati” (Mar. 12:34). ¿Tlen tikiluis ijkuak ikaj kinankilia se tlajtlanilistli?

IJKUAK YONANKITAKEJ TLAJKO VIDEO MA TIKCHIUAKAN TLEN CRISTO OKIPEUALTI: OTLAMACHTI, SATEPAN XIKINNANKILIKAN NINMEJ TLAJTLANILMEJ:

• Maski tokni nochi tlen okijto melauak, ¿tleka amo kuali otlamachti?

• ¿Tleka amo san moneki titemachtiskej tlen melauak?

XIKITAKAN OK TLAJKO VIDEO UAN XIKINNANKILIKAN NINMEJ TLAJTLANILMEJ:

• ¿Tleka tikijtoaj tokni kuali okintekitilti tlajtlanilmej?

• ¿Ken uelis titemachtiskej ken okichi tokni?