Nochipa ma timouikakan iuan Jehová

TiiTlaixpantijkauan Jehová tikpiaj se ueyi tlateochiualistli: timouikaskej iuan toTeko akin Ueyititok, Jehová. Ika Jesús ye techyoltilana uan kikaki ijkuak tiktlatlaujtiaj (Sal. 34:15; Juan 6:44).

¿Tlen techpaleuis nochipa ma timouikakan iuan Jehová? Amo ma tikchiuakan ken israelitas. Okijtojkej nochipa kitekichiuiliskiaj Jehová pero satepan okichijchijkej se torojkonetl uan okiueyichijkej (Éx. 32:7, 8; 1 Cor. 10:7, 11, 14). Ma timotlajtlanikan: “¿Tlen nikchiua ijkuak nechyoltilanasneki tlen amo kuali? ¿Tlen nikchiua kiteititia nikpatioita nimouikas iuan Jehová?”. Tla tiktlasojtlaj Jehová, amo tikchiuaskej tlen ye amo kipaktia (Sal. 97:10).

IJKUAK YOTIKITAK VIDEO MA TIKPATIOITAKAN TIMOUIKAJ IUAN JEHOVÁ (COL. 3:5), XIKINNANKILI NINMEJ TLAJTLANILMEJ:

• ¿Tleka amo ma titlaixnekikan?

• ¿Tleka tlajtlakoli ma titlaixnekikan uan ma tikpatioitakan tlen amo kuali?

• ¿Tleka akin auilnemi yetoskia ken ‘kinweyilijtoskia diostsitsintehʼ?

• ¿Tleka akinmej kipiaj miak tekitl itech tlanechikol moneki kimakaskej inamik tlen moneki?