TIKCHIUAJ KEN CRISTO
Telpochtli uan ichpochtli, ¿ye Jehová akin okachi kuali iuan timouika?
¿Tlen tikneki ma kichiua akin iuan timouika? Xamo tikneki nochipa ma mitstlasojtla, ma yeto yolkuali uan ma kitemaka tlen kipia. Jehová ijkon kipia iyelis (Éx. 34:6; Hech. 14:17). Ye mitskaki ijkuak tiktlatlaujtia uan mitspaleuia (Sal. 18:19, 35). Noijki mitstlapojpoluia ijkuak timotlapololtia (1 Juan 1:9). ¡Jehová yolkuali!
¿Ken uelis timouikas iuan Jehová? Xiktlajtolti iTlajtol uan xikneltoka tlen kijtoua (Sal. 62:8; 142:2). Xikititi tikpatioita tlen ye kipatioita: iKone, iTekiuajkayo uan tlen kichiuas. Xikintlapoui oksekimej ken iyelis Jehová (Deut. 32:3). Tla iuan timouika, ye nochipa mitspaleuis (Sal. 73:25, 26, 28).
IJKUAK YOTIKITAK VIDEO “XIKYEJYEKOKAN UAN XIKITAKAN JEHOVÁ YOLKUALI”, XIKINNANKILI NINMEJ TLAJTLANILMEJ:
¿Tlen mitspaleuis ximotemaka ixpan Jehová uan ximoapolakti?
¿Ken uelis mitspaleuiskej tokniuan okachi xiktekichiuili Jehová?
¿Ken mitspaleuis okachi kuali ximouika iuan Jehová tla titetlapouis?
¡Nochipa uelis timouikas iuan Jehová!
¿Ken uelis okachi tiktekichiuilis Jehová?
¿Tlen okachi mitspaktia tlen kichiua Jehová?