Akinmej yomonamiktijkej kuali ma mouikakan

Tlen okimoluijkej akinmej omonamiktijkej ixpan Jehová miak ipati uan ye kineki san sekan ma yetokan (Mat. 19:5, 6). Itech ialtepe Jehová miakej tlen yomonamiktijkej kuali mouikaj uan yolpakij. Pero tlajtlakolejkej, ik non, ualeua kipiaskej ouijkayotl. Amo ximokuayejyeko ayakmo tikpias ouijkayotl tla timoxelos noso tikkauas monamik inmixpan tekiuajkej. ¿Tlen namechpaleuis para kuali xiyetokan?

Ma tikitakan makuili tlamantli.

1. Xikmalui moyolo, amikaj iuan ximouika ken timouikaskia iuan monamik uan amo xikita kanin mota se tlakatl uan se siuatl motekaj. Non amo mitspaleuis kuali timouikas iuan monamik (Mat. 5:28; 2 Ped. 2:14).

2. Kuali ximouika iuan Jehová uan kuali ximouika iuan monamik ijkon ken Jehová kipaktia (Sal. 97:10).

3. Nochipa xikpia okachi kuali moyelis, xikpaleui monamik ijkon ye yolpakis (Col. 3:8-10, 12-14).

4. Ximotlapoui iuan monamik noso mosiua uan xiktlakaita (Col. 4:6).

5. Ijkuak timotekas iuan monamik xikititi tiktlasojtla (1 Cor. 7:3, 4; 10:24).

Tla akinmej yomonamiktijkej motlakaitaj, kitlakaitaj Jehová porque ye okitlali ma monamiktikan.

IJKUAK YOTIKITAK VIDEO MONEKI MA TIMOTLALOKAN UAN MA TITLAXIKOKAN. MA TIKCHIUAKAN TLEN TECHNAUATIAJ IJKUAK TIMOTLALOAJ, XIKINNANKILI NINMEJ TLAJTLANILMEJ:

• 

  Akinmej yomonamiktijkej yolpakij, pero ¿tlen ouijkayotl uelis kixnamikiskej?

• 

  ¿Ken uelis kinpaleuis principios bíblicos akinmej kimachiliaj ayakmo okachi motlasojtlaj?

• 

  ¿Tlen kinnauatiaj Jehová ma kichiuakan akinmej yomonamiktijkej?

• ¿Tlen moneki kichiuaskej akinmej yomonamiktijkej para yolpakiskej?